ബാബു ആന്‍റണിയുടെ മടങ്ങിവരവ്
ചിത്രത്തിൽ ബാബു ആന്റണിക്കൊപ്പം പ്രധാന കഥാപാത്രങ്ങളെ അവതരിപ്പിക്കുന്ന ബാബുരാജും റിയാസ് ഖാനും വർക്കൗട്ട്‌ ചെയ്യുന്ന ചിത്രങ്ങൾ ഒമർ ലുലു തന്നെയാണ്‌ ഫേസ്ബുക്ക്‌ അക്കൗണ്ടിലൂടെ പുറത്തുവിട്ടിരിക്കുന്നത്‌. ചിത്രങ്ങള്‍ സോഷ്യൽ മീഡിയയിൽ വലിയ തരംഗമായിരിക്കുകയാണ്.
Also Read: മലയാളത്തിലേക്ക് ക്ഷണിച്ചതിന് നന്ദി! ബാബു ആന്‍റണിക്ക് നന്ദി അറിയിച്ച് ലൂയിസ് മാൻഡിലോർ
ചിത്രത്തിൽ ഹോളിവുഡ് താരങ്ങളും
പാട്ടുകളോ നായികയോ ഇല്ലാത്ത ഈ ചിത്രത്തിൽ ഹോളിവുഡ് താരം ലൂയിസ് മാൻഡിലോർ ഉൾപ്പെടെ വൻ താരനിര അണിനിരക്കുന്നുമുണ്ട്. തിരക്കഥാകൃത്ത് ഡെന്നിസ്‌ ജോസഫ്‌ വർഷങ്ങൾക്കുശേഷം തിരക്കഥയെഴുതുന്ന ചിത്രവുമാണ്.
ബിഗ്‌ ബജറ്റ്‌ ചിത്രം
പവർ സ്റ്റാറിനുവേണ്ടി സിനു സിദ്ധാർത്ഥ് ഛായാഗ്രഹണവും ഷമീർ മുഹമ്മദ്‌ ചിത്രസംയോജനവും നിർവ്വഹിക്കുന്നു. വിർച്വൽ സിനിമാസിന്‍റെ ബാനറിൽ രതീഷ്‌ ആനേടത്ത്‌ ആണ്‌ ഈ ബിഗ്‌ ബജറ്റ്‌ ചിത്രം നിർമ്മിക്കുന്നത്‌.
Also Read: പവര്‍ സ്റ്റാറില്‍ ബാബു ആന്റണിക്കൊപ്പം ഇടിക്കാന്‍ ഹോളിവുഡ് സൂപ്പര്‍ താരം; ഇടിപ്പൂരം തന്നെ കാണാം!
ആവേശത്തിൽ ആരാധകർ
ഓരോ ദിവസവും നിരവധി ഫാൻ മെയ്ഡ് പോസ്റ്ററുകളാണ് സിനിമയുടേതായി സോഷ്യൽമീഡിയയിൽ ഇറങ്ങുന്നത്. മംഗലാപുരം, കാസര്‍ഗോഡ്, കൊച്ചി എന്നിവടങ്ങളാണ് ചിത്രത്തിന്‍റെ ലൊക്കേഷനുകളാക്കി ഇതിനകം നിശ്ചയിച്ചിരിക്കുന്നത്.
പ്രധാനവേഷത്തിൽ ഇവർ
കേരളത്തിലെ കൊക്കെയ്ന്‍ വിപണിയാണ് സിനിമയുടെ പശ്ചാത്തലമാകുന്നതെന്നാണ് അണിയറപ്രവർത്തകര്‍ പുറത്തുവിട്ടിരിക്കുന്ന സൂചന. ബാബു ആന്റണിക്കൊപ്പം ബാബുരാജ്, അബു സലിം, റിയാസ് ഖാന്‍ എന്നിവരാണ് ചിത്രത്തിൽ പ്രധാന വേഷങ്ങളില്‍ എത്തുന്നത്.
Also Read: പ്രിയപ്പെട്ട വില്ലന്മാര്‍ക്കൊപ്പം അഭിനയിക്കണമെന്ന് ബിനീഷ്; 'പവർ സ്റ്റാറി'ൽ ഒരു വേഷം ഉറപ്പെന്ന് ഒമർ