12 വർഷങ്ങൾ കഴിഞ്ഞ്
സംവിധായകൻ ഷാജി കൈലാസ്, നിർമാതാവ് ആന്‍റണി പെരുമ്പാവൂർ, സിദ്ധു പനക്കൽ, ഛായാഗ്രാഹകൻ അഭിനന്ദൻ രാമാനുജം, സന്തോഷ് രാമൻ തുടങ്ങി നിരവധിപേരുടെ സാന്നിധ്യത്തിലായിരുന്നു ചിത്രത്തിന്‍റെ ടൈറ്റിൽ പുറത്തുവിട്ടത്. 2009ൽ റിലീസ് ചെയ്ത റെഡ് ചില്ലീസ് ആണ് ഷാജി കൈലാസ്–മോഹൻലാൽ കൂട്ടുകെട്ടിൽ ഒടുവിൽ പുറത്തിറങ്ങിയ സിനിമ.
നിരവധി ഹിറ്റുകൾ
1997ൽ പുറത്തിറങ്ങിയ ആറാം തമ്പുരാനിലൂടെ തുടങ്ങിയതാണ് മോഹൻലാൽ - ഷാജി കൈലാസ് കൂട്ടുകെട്ട്. ചിത്രം വൻവിജയമായതോടെ 2000ൽ നരസിംഹം, പിന്നീട് താണ്ഡവം, നാട്ടുരാജാവ്, ബാബാ കല്യാണി, അലി ഭായ് തുടങ്ങിയ സിനിമകളും ഒരുമിച്ച് ചെയ്തു. പൃഥ്വിരാജിനെ നായകനാക്കി കടുവ എന്നൊരു ചിത്രവും ഷാജി കൈലാസ് ഈ വർഷം ഒരുക്കുന്നുണ്ട്.
Also Read: പൃഥ്വിരാജും ജോജു ജോര്‍ജ്ജും ഒന്നിയ്ക്കുന്ന സ്റ്റാര്‍ തിയേറ്ററില്‍ തന്നെ റിലീസ്!!
ആശീർവാദ് സിനിമാസിന്‍റെ 30 ചിത്രം
ആശീർവാദ് സിനിമാസിന്‍റെ 30-ാം ചിത്രമായ എലോണിന് തിരക്കഥയൊരുക്കുന്നത് രാജേഷ് ജയറാമാണ്. സിനിമയിലെ സംഗീതം ജേക്സ് ബിജോയ്യും എ‍ഡിറ്റിങ് ഡ‍ോൺമാക്സും നിർവഹിക്കുന്നു. വളരെ വ്യത്യസ്ഥവും കൗതുകകരവുമായ അവതരണമാണ് സിനിമയിലേതെന്നാണ് ഷാജി കൈലാസ് അറിയിച്ചിട്ടുള്ളത്. കലാസംവിധാനം സന്തോഷ് രാമൻ, നിർമ്മാണ നിർവ്വഹണം സിദ്ദു പനയ്ക്കൽ, സജി ജോസഫ്, നിശ്ചല ഛായാഗ്രഹണം അനീഷ് ഉപാസന, പിആർഒ വാഴൂർ ജോസ് എന്നിവരാണ്.
നിരവധി സിനിമകൾ
എലോൺ കൂടാതെ നിരവധി ചിത്രങ്ങളാണ് മോഹൻലാൽ നായകനായി അണിയറയിൽ ഒരുങ്ങുന്നത്. പ്രിയദര്‍ശന്‍റെ ബിഗ്ബജറ്റ് ചിത്രം മരക്കാരും ബി. ഉണ്ണികൃഷ്‍ണന്‍റെ ആറാട്ടും പൃഥ്വിരാജ്-മോഹൻലാൽ കൂട്ടുകെട്ട് വീണ്ടും ഒരുമിച്ച 'ബ്രോ ഡാഡി'യും ദൃശ്യം 2നു ശേഷം ജീത്തു ജോസഫ് സംവിധാനം ചെയ്യുന്ന 12ത് മാനും ഉള്‍പ്പെടെ ഒട്ടനവധി സിനിമകള്‍ അതിലുണ്ട്.
ഒപ്പം ജഗനും
'എലോണിൻ്റെ സെറ്റിൽ ഷാജി കൈലാസിൻ്റെ മകൻ ജഗനുമുണ്ട്. അച്ഛൻ്റെ കാൽപ്പാടുകളെ പിന്തുടരാൻ ആഗ്രഹിക്കുന്ന മകന് അച്ഛൻ ഇവിടെ ഗുരുനാഥനാണ്. സഹ സംവിധായകനായി പ്രവർത്തിക്കുകയാണ് ജഗൻ ഈ ചിത്രത്തിൽ. ആറാം തമ്പുരാനിലെ മോഹൻലാലിൻ്റെ കഥാപാത്രത്തിൻ്റെ പേരായ ജഗന്നാഥനെ ഓർമ്മപ്പെടുത്തും വിധത്തിലാണ് ജഗൻ എന്ന പേര് മകനിട്ടതെന്ന് ഷാജി കൈലാസ് പറഞ്ഞു.