വിഖ്യാത ഗായിക എസ് ജാനകി മരിച്ചതായി സോഷ്യല്‍ മീഡിയയില്‍ വ്യാജപ്രചാരണങ്ങള്‍ നടക്കുന്നതിനെതിരെ ഗായകൻ എസ്.പി ബാലസുബ്രഹ്മണ്യം. ഇത് തെറ്റായവിവരമാണെന്ന് ഗായികയുടെ ബന്ധുക്കള്‍ അറിയിച്ചതിന് പിന്നാലെയാണ് എസ്.പി.ബി ലൈവ് വീഡിയോയുമായി എത്തിയിരിക്കുന്നത്. എസ്.പി.ബിക്ക് പിന്നാലെ ഗായകൻ മനോ ഉള്‍പ്പെടെയുള്ളവര്‍ ജാനകിയമ്മയുടെ ആരോഗ്യ നില തൃപ്തികരമാണെന്ന് സാമൂഹ്യ മാധ്യമങ്ങളിലൂടെ അറിയിച്ചിട്ടുമുണ്ട്.
സോഷ്യൽമീഡിയയിലൂടെ ജാനകിയമ്മ മരിച്ചെന്നു പോലും ചിലർ പ്രചരിപ്പിക്കുകയാണ്, എന്തിനീ ക്രൂര വിനോദം, വികാരാധീനനായി എസ്.പി ബാലസുബ്രഹ്മണ്യം ചോദിച്ചിരിക്കുകയാണ്. ജാനകിയമ്മയുടെ ആരോഗ്യത്തിന് ഒരു കുഴപ്പവുമില്ല, അവർ സന്തോഷത്തോടെയിരിക്കുകയാണ്, ഞാൻ ജാനകിയമ്മയുമായി സംസാരിച്ചു, സോഷ്യൽമീഡിയ പോസിറ്റീവായി ഉപയോഗിക്കൂ, ഇത്തരം വാർത്തകൾ കേൾക്കുമ്പോൾ ജാനകിയമ്മയെ ഹൃദയം കൊണ്ട് സ്നേഹിക്കുന്നവർക്ക് സഹിക്കാനാകില്ല, ഇരുപതോളം പേരാണ് വ്യാജ വാർത്ത കണ്ട് എന്നെ വിളിച്ച് കാര്യം തിരക്കിയത്, ഫേസ്ബുക്കിൽ പോസ്റ്റ് ചെയ്ത വീഡിയോയിൽ എസ്.പി.ബി വ്യക്തമാക്കിയിരിക്കുകയാണ്.
എസ് ജാനകി ആരോഗ്യനില മോശമായതിനെ തുടര്‍ന്ന് ആശുപത്രിയിലാണെന്നും ശസ്ത്രക്രിയയ്ക്കിടെ മരിച്ചെന്നുമാണ് കഴിഞ്ഞ ദിവസം സാമൂഹികമാധ്യമങ്ങളില്‍ വ്യാപകപ്രചാരണം നടന്നത്. ഇതേ തുടര്‍ന്ന് ഇത് തെറ്റായവിവരമാണെന്ന് ഗായികയുടെ ബന്ധുക്കള്‍ അറിയിക്കുകയായിരുന്നു.
എസ് ജാനകി ശസ്ത്രക്രിയയ്ക്ക് വിധേയയായിരുന്നു, പക്ഷേ അവര്‍ ഇപ്പോൾ സുഖം പ്രാപിച്ചു വന്നുകൊണ്ടിരിക്കുകയാണ്, മകൻ മുരളി കൃഷ്ണ അറിയിച്ചിരിക്കുന്നത് ഇങ്ങനെയാണ്. ഇതാദ്യമായല്ല എസ് ജാനകിയുടെ മരണം സംബന്ധിച്ചുള്ള വ്യാജ വാര്‍ത്തകള്‍ പ്രചരിക്കുന്നത്. 17 ഭാഷകളിലായി 48000 ഗാനങ്ങള്‍ ആലപിച്ചിട്ടുള്ള എസ്.ജാനകി 2017ലാണ് സംഗീതലോകത്ത് നിന്ന് വിരമിച്ച് വിശ്രമജീവിതത്തിലേക്ക് പ്രവേശിച്ചത്. 82 വയസ്സാണുള്ളത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
