Also Read: 'ദി ചോപ്പ്ഡ് ചാക്കോച്ചൻ'; പുത്തൻ ലുക്കിലുള്ള ചിത്രവുമായി താരം, മാസ്കെവിടെയെന്ന് ആരാധകരും!
ദൃശ്യം 2
മോഹൻലാലിനൊപ്പം മീനയും കലാഭവൻ ഷാജോണും മുഖ്യ കഥാപാത്രങ്ങളെ അവതരിപ്പിച്ച ചിത്രം ജീത്തു ജോസഫായിരുന്നു സംവിധാനം ചെയ്തത്. 2013ല്‍ റിലീസ് ചെയ്ത ബ്ലോക്ക് ബസ്റ്റര്‍ ചിത്രം 'ദൃശ്യ'ത്തിന്‍റെ രണ്ടാം ഭാഗം ' ദൃശ്യം 2' ചിത്രീകരണം കഴിഞ്ഞ 21 ന് ആരംഭിച്ചിരുന്നു. ഇപ്പോഴിതാ ലൊക്കഷനിലെ പുത്തൻ വിശേഷമാണ് വൈറലായിരിക്കുന്നത്.
ജോർജ്ജ്കുട്ടിയും റാണിയും കുട്ടികളും
ലൊക്കേഷനിലെ ലഞ്ച് ബ്രേക്കിനിടെ പകർത്തിയ ചിത്രമാണെന്ന് ജീത്തു ജോസഫ് ചിത്രം പങ്കുവെച്ചുകൊണ്ട് കുറിച്ചിരിക്കുന്നത്. ജോർജ്ജ്കുട്ടിയും റാണിയും കുട്ടികളും ടാബിൽ നോക്കി കൊണ്ടിരിക്കുമ്പോൾ മാറി നിന്ന് അതിലേക്ക് നോക്കുന്ന സംവിധായകനും ചിത്രത്തിലുണ്ട്.
ഒളിഞ്ഞു നോക്കുന്നതെന്തിനാ?
ചിത്രം കണ്ടപാടേ ആരാധകർ കുറിച്ചിരിക്കുന്ന കമൻ്റുകളും ദൃശ്യം ആദ്യ പതിപ്പിൻ്റെ കഥാപശ്ചാത്തലവുമായി കോർത്തിണക്കിയുള്ളതാണ്. വെറുതെ അവരുടെ കുടുംബത്തിലേക്ക് ഒളിഞ്ഞു നോക്കുന്നതെന്തിനാ? അടുത്ത പോലീസ് സ്റ്റഷന്റെ അടിയിൽ കിടക്കണോ എന്നാണ് ഒരു ആരാധകൻ ജീത്തു ജോസഫിനോട് ചോദിക്കുന്നത്.
ആ പയ്യനെ കൊന്നത് ഓർമ്മ വേണം
ഒളിഞ്ഞു നോട്ടത്തിന് ആണ് ആ പയ്യനെ കൊന്നത് എന്ന് ഓർമ്മ വേണം ട്ടോ സാറെ... നല്ല സിനിമ്മക്കായ് കാത്തിരിക്കുന്നുവെന്നും മറ്റൊരു ആരാധകൻ കുറിച്ചിരിക്കുന്നു. സിനിമയുടെ ഷൂട്ടിംഗ് തുടങ്ങുന്നതിന് മുന്നോടിയായി സിനിമയുടെ അണിയറപ്രവർത്തകർക്ക് കൊവിഡ് പരിശോധന നടത്തി രോഗബാധയില്ലെന്ന് ഉറപ്പാക്കിയിരുന്നു.