ദുൽഖർ സൽമാനും പ്രതിഫലം കൂട്ടി???

കൊച്ചി: മലയാളത്തിൻ്റെ പ്രിയ യുവതാരം ദുൽഖർ സൽമാൻ പ്രതിഫലം കൂട്ടിയതായി റിപ്പോര്‍ട്ടുകള്‍. തുടര്‍ച്ചായി ചിത്രങ്ങള്‍ വിജയിച്ചതോടെയാണ് താരം പ്രതിഫലം കൂട്ടിയതെന്നതാണ് മോളിവുഡില്‍ ചൂടോടെ പരക്കുന്ന പുതിയ വാര്‍ത്ത. നിര്‍മ്മാതാക്കള്‍ക്കിപ്പോള്‍ ദുൽഖറിനെ കിട്ടണമെങ്കിൽ 75 ലക്ഷം വരെ നൽകണം.

കലി, ചാര്‍ളി, കമ്മട്ടിപ്പാടം, തുടങ്ങി ചെയ്ത ചിത്രങ്ങള്‍ എല്ലാം ബോക്സോഫീൽ മികച്ച വിജയമായിരുന്നു. ദുൽഖറിപ്പോള്‍ സത്യന്‍ അന്തിക്കാട്, അമല്‍ നീരദ് എന്നിവരുടെ ചിത്രങ്ങളിലാണു അഭിനയിക്കുന്നത്. കൂടാതെ നാലു ചിത്രങ്ങളിലേക്കു കൂടി താരം കരാറിലേര്‍പ്പെട്ടിട്ടുണ്ട്.

ജോമോൻ്റെ സുവിശേഷങ്ങളാണ് ദുല്‍ഖറിൻ്റെ അടുത്ത റിലീസ് ചിത്രം. സത്യന്‍ അന്തിക്കാടാണ് ഈ ചിത്രം ഒരുക്കുന്നത്. വൈകാതെ അമല്‍ നീരദിന്‍റെ പേരിടാത്ത ചിത്രവും തിയറ്ററില്‍ എത്തുമെന്നാണ് റിപ്പോര്‍ട്ട്.