ദുൽഖറിന്‍റെ 'ഒരു യമണ്ടൻ പ്രേമ കഥ'; ചിത്രീകരണം തുടങ്ങി

ദുല്‍ഖര്‍ സല്‍മാനെ നായകനാക്കി ബി.സി നൗഫല്‍ ഒരുക്കുന്ന 'ഒരു യമണ്ടന്‍ പ്രേമകഥ' യുടെ ചിത്രീകരണത്തിന് തുടക്കമായി. കൊച്ചിയിലാണ് ഷൂട്ടിങ് പുരോഗമിക്കുന്നത്. ഈ വര്‍ഷം ദുല്‍ഖര്‍ അഭിനയിക്കുന്ന ആദ്യ മലയാള ചിത്രമാണിത്. വിഷ്ണു ഉണ്ണി കൃഷ്ണന്‍ , ബിബിന്‍ ജോര്‍ജ് എന്നിവര്‍ ചേര്‍ന്നാണ് ചിത്രത്തിന് തിരക്കഥ എഴുതിയിരിക്കുന്നത്. ആന്‍റോ ജോസഫാണ് ചിത്രം നിര്‍മ്മിക്കുന്നത്.


സൗബിന്‍ ഷാഹിര്‍, രമേശ് പിഷാരടി, ധര്‍മജന്‍ ബോള്‍ഗാട്ടി, സലീം കുമാര്‍ എന്നിവരും ചിത്രത്തിലുണ്ടാകും. നാദിര്‍ഷയാണ് ചിത്രത്തിന് സംഗീതം ഒരുക്കുന്നത്. സുജിത് വാസുദേവാണ് ഛായാഗ്രഹണം.