'കമ്മട്ടിപ്പാട'ത്തിന് ശേഷം ദുൽഖറിനൊപ്പം സുരാജ് വെഞ്ഞാറമ്മൂട്

'കമ്മട്ടിപ്പാട'ത്തിന് ശേഷം ദുല്‍ഖര്‍ സല്‍മാനോടൊപ്പം സുരാജ് വെഞ്ഞാറമ്മൂട് വീണ്ടും അഭിനയിക്കാനൊരുങ്ങുന്നു. നവാഗതനായ ബി.സി. നൗഫല്‍ ഒരുക്കുന്ന ഒരു യമണ്ടന്‍ പ്രേമകഥയിലാണ് ഇരുവരും വീണ്ടും ഒന്നിക്കുന്നത്.

ഒരു യമണ്ടന്‍ പ്രേമകഥയുടെ രണ്ടാം ഷെഡ്യൂളിലാണ് സുരാജ് എത്തുക. അമര്‍ അക്ബര്‍ അന്തോണി, കട്ടപ്പനയിലെ ഋത്വിക് റോഷന്‍ എന്നീ സൂപ്പര്‍ ഹിറ്റുകള്‍ക്ക് രചന നിര്‍വഹിച്ച ബിബിന്‍ ജോര്‍ജ്, വിഷ്ണു ഉണ്ണിക്കൃഷ്ണന്‍ ടീമാണ് ഈ ചിത്രത്തിനായി രചന നിര്‍വഹിക്കുന്നത്.

വിഷ്ണു ഉണ്ണിക്കൃഷ്ണൻ ചിത്രത്തിൽ അഭിനയിക്കുന്നുമുണ്ട്. സലിം കുമാര്‍, ഹരീഷ് കണാരന്‍, സൗബിന്‍ ഷാഹിര്‍, ധര്‍മ്മജന്‍ ബോള്‍ഗാട്ടി എന്നിവരും ചിത്രത്തിൻ്റെ ഭാഗമാകും. നിഖില വിമലും തീവണ്ടി ഫെയിം സംയുക്ത മേനോനുമാണ് ചിത്രത്തിലെ നായികമാര്‍.