ദുൽഖറിന്‍റെ ആദ്യ ബോളിവുഡ് ചിത്രം 'കർവാൻ': ട്രെയിലർ

ദുൽഖറിന്‍റെ ആദ്യ ബോളിവുഡ് ചിത്രമായ കർവാന്‍റെ ട്രെയിലർ പുറത്തു വിട്ടു. അഭിനേതാവും തിരക്കഥാകൃത്തുമായ ആകര്‍ഷ് ഖുറാനയാണ് ചിത്രം സംവിധാനം ചെയ്യുന്നത്. മൂന്ന് വ്യക്തികളുടെ വേറിട്ട ജീവിതം പ്രമേയമാക്കിയാണ് ചിത്രം ഒരുക്കിയിരിക്കുന്നത്. മൂന്നു പേരും മുംബൈയിൽ നിന്നും കൊച്ചിയിലേക്കുള്ള ഒരു റോഡ്‌ യാത്രക്കിടെയാണ് പരിചയപ്പെടുന്നത്.

യാത്രക്കിടെ ഇവർക്കിടം ഉണ്ടാകുന്ന രസകരമായ നിമിഷങ്ങളിലൂടെ ചിത്രം സഞ്ചരിക്കുന്നത്. മുംബൈയിൽ ജോലി ചെയ്യുന്ന കൊച്ചിക്കാരനായി ദുൽഖറെത്തുമ്പോൾ ബോളിവുഡ് താരം ഇര്‍ഫാന്‍ ഖാൻ മറ്റൊരു പ്രധാന കഥാപാത്രത്തെ അവതരിപ്പിക്കുന്നു. മിഥില പാൽക്കറാണ് ചിത്രത്തിലെ നായിക.


ഊട്ടിയിലും കേരളത്തിലും മുംബൈയിലുമായാണ് ചിത്രീകരണം പൂ‍ര്‍ത്തിയാക്കിയത്. ഹുസൈന്‍ ദലാല്‍, അക്ഷയ് ഖുറാന എന്നിവര്‍ ചേര്‍ന്നാണ് തിരക്കഥ ഒരുക്കിയിരിക്കുന്നത്. റോണി സ്‌ക്രൂവാലയാണ് ചിത്രം നിര്‍മ്മിക്കുന്നത്. ആഗസ്റ്റ് മൂന്നിനാണ് ചിത്രം തീയേറ്ററുകളിലെത്തുക.



മുന്‍പ് യുടിവി മോഷന്‍ പിക്ചേഴ്സിന്‍റെ ബാനറില്‍ അനേകം ശ്രദ്ധേയ സിനിമകള്‍ നിര്‍മ്മിച്ച റോണി സ്‌ക്രൂവാല പുതുതായി ആരംഭിച്ച നിര്‍മ്മാണ കമ്പനി 'റോണി സ്‌ക്രൂവാല പ്രൊഡക്ഷന്‍സി'ന്‍റെ (ആര്‍എസ്വിപി) ആദ്യ പ്രോജക്ടാണ് ദുല്‍ഖര്‍-ഇര്‍ഫാന്‍ ഖാന്‍ ചിത്രം.