ദുല്‍ഖര്‍- അമല്‍ നീരദ് ചിത്രം ഫസ്റ്റ്‍ലുക്ക് പോസ്റ്റര്‍ പുറത്തിറങ്ങി

ദുൽഖർ സൽമാനും അമൽ നീരദും ഒന്നിക്കുന്ന ചിത്രത്തിന്‍റെ ഫസ്റ്റ്ലുക്ക് പോസ്റ്റർ പുറത്തിറങ്ങി. ദുല്‍ഖര്‍ സല്‍മാന്റെ ഔദ്യോഗിക വെബ്സൈറ്റായ www.dulquer.comലൂടെയാണ് ഫസ്റ്റ്‍ലുക്ക് പുറത്തുവിട്ടത്.


ചിത്രത്തിൽ അജി മാത്യു എന്ന കഥാപാത്രമായിട്ടാണ് ദുല്‍ഖര്‍ എത്തുന്നത്. ഇയോബിന്റെ പുസ്തകം എന്ന ചിത്രത്തിന് ശേഷം അമൽ ഒരുക്കുന്ന ഈ ചിത്രത്തിന്‍റെ പേര് അണിയറ പ്രവർത്തകർ പുറത്ത് വിട്ടിട്ടില്ല. ഗോപി സുന്ദറിന്റേതാണ് സംഗീതം.

ചില ഹീറോസ് യാഥാർഥ്യമാണെന്നാണ് ടാഗ് ലൈൻ. നവാഗതയായ കാര്‍ത്തിക മുരളീധരനാണ് ചിത്രത്തിലെ നായികയായെത്തുന്നത്. ഇവരെ കൂടാതെ സൗബിന്‍ ഷഹീര്‍, സിദ്ധിഖ് തുടങ്ങിയവരും മറ്റ് കഥാപാത്രങ്ങളായി എത്തുന്നു. ഒക്ടോബറില്‍ ചിത്രം പ്രദര്‍ശനത്തിന് എത്തും എന്നാണ് റിപ്പോർട്ടുകൾ.