അയ്യോ പ്രൊഡ്യൂസറേ പണി പാളിയല്ലോ; 'അയാം എ പ്രൊഡ്യൂസര്‍' എന്നെഴുതിയപ്പോൾ അബദ്ധം പിണഞ്ഞ് ഡിക്യു

സത്യന്‍ അന്തിക്കാടിന്‍റെ മകനായ അനൂപ് സത്യന്‍ അന്തിക്കാട് നടന്‍ ദുല്‍ഖര്‍ സല്‍മാനെ നായകനാക്കി സംവിധാനം ചെയ്യുന്ന പുതിയ ചിത്രമായ 'വരനെ ആവശ്യമുണ്ട്' എന്ന സിനിമയുടെ പുത്തൻ പോസ്റ്റർ പങ്കുവെച്ച് നടൻ ദുൽഖർ സൽമാൻ. ചിത്രത്തിന്‍റെ നിര്‍മ്മാതാവ് കൂടിയായ ദുല്‍ഖര്‍.
ദുല്‍ഖര്‍,

Also Read: ടീസറില്ല, പക്ഷെ വേറൊരു സര്‍പ്രെെസുണ്ട്! വ്യത്യസ്തതയുടെ ചുവടുപിടിച്ച് 'വരനെ ആവശ്യമുണ്ട്'

ദുൽഖറിന് പുറമേ കല്യാണി പ്രിയദര്‍ശന്‍, ശോഭന, സുരേഷ് ഗോപി തുടങ്ങിയവരാണ് പ്രധാന കഥാപാത്രങ്ങളായി ചിത്രത്തിലുള്ളത്. അനൂപ് സത്യന്‍റെ ആദ്യ സംവിധാന സംരംഭമാണിത്. ദുല്‍ഖര്‍ സല്‍മാന്‍ നിര്‍മിക്കുന്ന മൂന്നാമത്തെ ചിത്രവും. ദുല്‍ഖര്‍ സല്‍മാന്‍റെ പ്രൊഡക്ഷന്‍ കമ്പനിയായ വേഫെയ്‌റര്‍ ഫിലിംസും എം സ്റ്റാര്‍ ഫിലിംസും ചേര്‍ന്നാണ് ചിത്രത്തിന്‍റെ നിര്‍മ്മാണം.

‘ഐ ആം എ പ്രൊഡ്യൂസര്‍’ എന്ന ഹാഷ് ടാഗ് ചേര്‍ത്താണ് ദുല്‍ഖര്‍ പുതിയ പോസ്റ്റര്‍ പങ്കുവച്ചിരിക്കുന്നത്.എന്നാല്‍ ‘പ്രൊഡ്യൂസര്‍’ എന്നെഴുതേണ്ടത് ഇങ്ങനെയല്ലെന്ന് പറയുകയാണ് സോഷ്യല്‍ മീഡിയ. ദുല്‍ഖറിന്‍റെ ഫേസ്ബുക്ക് പോസ്റ്റിലെ അക്ഷരതെറ്റാണ് സോഷ്യല്‍ മീഡിയ ചൂണ്ടികാണിച്ചിരിക്കുന്നത്. ‘I AM A Producer’ എന്നതിന് പകരം ‘I AM A Perducer’ എന്നാണ് ദുല്‍ഖര്‍ പോസ്റ്റിൽ കുറിച്ചിരിക്കുന്നത്. രസകരമായ കമന്‍റുകള്‍ ഇതിന് ലഭിക്കുന്നുണ്ട്.

Also Read: ദുല്‍ഖര്‍ സല്‍മാന് നായികയായി കാജല്‍ അഗര്‍വാള്‍; സിനിമയെ കുറിച്ച് താരത്തിന്‍റെ തുറന്നു പറച്ചില്‍

സുരേഷ് ഗോപി-ശോഭന ജോഡി നീണ്ട 13 വര്‍ഷങ്ങള്‍ക്കു ശേഷം വീണ്ടും ഒന്നിക്കുന്ന ചിത്രം കൂടിയാണിത്. അനൂപ് തന്നെയാണ് തിരക്കഥയെഴുതുന്നത്. സംവിധായകരായ മേജര്‍ രവി, ലാല്‍ ജോസ്, ജോണി ആന്‍റണി എന്നിവരും സിനിമയിൽ അഭിനയിക്കുന്നുണ്ട്. സന്ദീപ് രാജ്, വഫാ ഖദീജ, ദിവ്യ മേനോന്‍ അഹമ്മദ്, മീര കൃഷ്ണന്‍ തുടങ്ങിയവരും ചിത്രത്തിലുണ്ട്. സൗബിന്‍ അതിഥി താരമായി ചിത്രത്തിലെത്തുന്നുണ്ടെന്നാണ് സൂചന.

Also Watch :