ദുല്‍ഖറിന്‍റെ തമിഴ് ചിത്രം 'കണ്ണും കണ്ണും കൊള്ളയടിത്താല്‍': ഫസ്റ്റ്‍‍ലുക്ക് പോസ്റ്റര്‍

വാലന്‍റൈൻസ് ദിനത്തോടനുബന്ധിച്ച് ദുല്‍ഖര്‍ സൽമാൻ നായകനാകുന്ന തമിഴ് ചിത്രം 'കണ്ണും കണ്ണും കൊള്ളയടിത്താലി'ന്‍റെ ഫസ്റ്റ്‍‍ലുക്ക് പോസ്റ്റര്‍ പുറത്തുവിട്ടു. ഋതുപര്‍ണയാണ് ചിത്രത്തിലെ നായിക. വാലന്‍റൈന്‍ ദിന സ്പെഷ്യലായാണ് പോസ്റ്റര്‍ പുറത്തിറക്കിയത്. സിദ്ധാര്‍ത്ഥ് എന്ന ഐടി പ്രൊഫഷണലായാണ് ഡിക്യു ചിത്രത്തില്‍ വേഷമിടുന്നത്.

ഡെസില്‍ പെരിയ സ്വാമി സംവിധാനം ചെയ്യുന്ന ചിത്രം റൊമാന്‍റിക് കോമഡിയായാണ് ഒരുക്കുന്നത്. ചിത്രത്തിന്‍റെ ഷൂട്ടിംഗ് പുരോഗമിക്കുകയാണ്. ഡല്‍ഹി, ഗോവ, ചെന്നൈ എന്നിവയാണ് ലൊക്കേഷന്‍.