ആരാധകപ്രളയം; ദുൽഖറിന്‍റെ വെബ്‍സൈറ്റ് തക‍ർന്നു

പിറന്നാള്‍ ദിനത്തില്‍ ആരാധകര്‍ ഇടിച്ചുകയറിയതോടെ ദുല്‍ഖര്‍ സല്‍മാൻ ഇന്നലെ ആരംഭിച്ച വെബ്‌സൈറ്റ് തകര്‍ന്നു. ഇന്ന് രാവിലെ 9.50നാണ് സൈറ്റിന്റെ പ്രവര്‍ത്തനം നിലച്ചത്. ആ സമയത്ത് 33,000ത്തോളം വിസിറ്റേഴ്‌സ് സൈറ്റില്‍ ഉണ്ടായിരുന്നു.

ദുല്‍ഖറിന്റെ സിനിമകളെ പറ്റിയുള്ള വാര്‍ത്തകളും മറ്റും ആരാധകരിലേക്ക് എത്തിക്കാനായിരുന്നു സൈറ്റ്. ഇതുവരെയുള്ള ചിത്രങ്ങളുടെ പട്ടിക, ഗാനങ്ങള്‍, വീഡിയോ അഭിമുഖം തുടങ്ങിയവ സൈറ്റില്‍ ലഭ്യമായിരുന്നു. ദുല്‍ക്കര്‍ സല്‍മാനെ കുറിച്ചുള്ള ലഘു വിവരണമാണ് സൈറ്റിന്റെ ആദ്യ പേജില്‍ ഉണ്ടായിരുന്നത്. ഇമെയില്‍ സൈറ്റില്‍ രജിസ്റ്റര്‍ ചെയ്താല്‍ വിവരങ്ങള്‍ വെബ്‌സൈറ്റില്‍ നിന്ന് ആരാധകളുടെ മെയിലിലെത്താനും സംവിധാനമുണ്ടായിരുന്നു.

കൂടാതെ അമൽ നീരദിനോടൊപ്പമുള്ള പുതിയ ചിത്രത്തിന്‍റെ പോസ്റ്ററും ഇന്ന് വെബ്സൈറ്റിലൂടെ ലോഞ്ച് ചെയ്തിരുന്നു.