'സോലോ'യിലെ ദുൽഖറിന്‍റെ നായികമാ‍ര്‍ ഇവരാണ്...

ദുല്‍ഖര്‍ സല്‍മാനെ നായകനാക്കി ബിജോയ് നമ്പ്യാര്‍ ഒരുക്കുന്ന 'സോലോ'യിൽ നാല് നായികമാര്‍. ദുൽഖര്‍ വ്യത്യസ്ത ഗെറ്റപ്പുകളിലെത്തുന്ന ചിത്രത്തിൽ നേഹ ശര്‍മ, ധന്‍സിക, ആര്‍തി, ശ്രുതി ഹരിഹരന്‍ എന്നിവരാണ് നായികമാര്‍. അഞ്ച് ഹ്രസ്വ ചിത്രങ്ങള്‍ കോര്‍ത്തിണക്കിയ ആന്തോളജിയാണ് 'സോലോ'. കോളിവുഡ്, ബോളിവുഡ് ചിത്രങ്ങള്‍ ഒരുക്കിയ ബിജോയ് നമ്പ്യാര്‍ ആദ്യമായി മലയാളത്തിൽ ഒരുക്കുന്ന ചിത്രം കൂടിയാണിത്.

നായികമാരുമൊത്തുള്ള ചിത്രത്തിലെ സ്റ്റിൽസ് ദുൽഖർ കഴിഞ്ഞദിവസം പുറത്തു വിട്ടു. സോലോയിൽ ഗംഭീരമായ നാലു സ്ത്രീകഥാപാത്രങ്ങളെ നയിക്കുന്ന നാലുപേർ ഇവരാണെന്നാണ് കുഞ്ഞിക്ക കുറിച്ചത്.




ദുൽഖറിന്‍റെ പിറന്നാൾ സമ്മാനമായി താരത്തിന്‍റെ ചിത്രത്തിലെ ലുക്കുകൾ കോര്‍ത്തിണക്കിക്കൊണ്ട് ഫസ്റ്റ്‍‍ലുക്ക് പോസ്റ്റര്‍ പുറത്തുവിട്ടിരുന്നു. മലയാളം, ഇംഗ്ലീഷ്, തമിഴ് ഭാഷകളിലുള്ള ചിത്രത്തിന്‍റെ ഫസ്റ്റ് ലുക്ക് പോസ്റ്ററുകളാണ് അന്ന് പുറത്ത് വിട്ടത്. വിവിധ ആംഗിളുകളില്‍ നിന്നായി പകര്‍ത്തിയ വ്യത്യസ്ത ഗെറ്റപ്പുകളിലുള്ള ദുല്‍ഖറിന്‍റെ പത്തോളം ചിത്രങ്ങള്‍ കൗതുകം പകരുന്ന തരത്തില്‍ പ്രത്യേകരീതിയിൽ ഡിസൈന്‍ ചെയ്തിരിക്കുന്നതായിരുന്നു ചിത്രത്തിന്‍റെ ഫസ്റ്റ്ലുക്ക്.

Dulquer's Heroines in Solo Movie

Dulquer Salmaan's Heroines in his next Movie With Bejoy Nambiar named Solo.