ധനുഷിനെ നായകനാക്കി ഗൗതം വാസുദേവ മേനോൻ സംവിധാനം ചെയ്യുന്ന ചിത്രം 'എന്നൈ നോക്കി പായും തോട്ട'യുടെ ട്രെയിലർ പുറത്തിറങ്ങിയിരിക്കുകയാണ്. ഗൗതം മേനോന്റെ സാമ്പത്തിക പ്രശ്നങ്ങൾ മൂലം ചിത്രത്തിന്റെ റിലീസ് ഏറെ നാളുകളായി പ്രതിസന്ധിയിലായിരുന്നതോടെ ചിത്രം ഉപേക്ഷിക്കുന്നവെന്നുള്പ്പെടെ വാര്ത്തകള് പരന്നിരുന്നു. അതിനിടെയാണ് ഇപ്പോള് ട്രെയിലർ പുറത്തിറങ്ങിയിരിക്കുന്നത്. ചിത്രം സെപ്റ്റംബർ ആറിന് തിയറ്ററുകളിലെത്തും.
Also Read: ഗൗതം മേനോന് -ധനുഷ് ചിത്രം 'എന്നൈ നോക്കി പായും തോട്ട' ഉപേക്ഷിച്ചോ ? തന്നെ പിന്തുണച്ച എല്ലാവർക്കും നന്ദി പറഞ്ഞുകൊണ്ടാണ് ചിത്രത്തിന്റെ ട്രെയിലർ ഗൗതം മേനോൻ റിലീസ് ചെയ്തിരിക്കുന്നത്. 2016–ലാണ് സിനിമയുടെ ആദ്യഘട്ട ചിത്രീകരണം തുടങ്ങുന്നത്. പിന്നീട് കുറച്ചുനാളത്തെ ഇടവേളയ്ക്കുശേഷം 2017 ഡിസംബറിൽ അടുത്ത ഷെഡ്യൂള് ആരംഭിച്ചു. ഇതിനിടയ്ക്ക് മാരി 2വിൽ ധനുഷ് അഭിനയിക്കാൻ പോയതോടെ ചിത്രത്തിന്റെ ഷൂട്ട് നീണ്ടുപോകുകയായിരുന്നു.
Also Read: ഗൗതം മേനോൻ-ധനുഷ് കൂട്ടുകെട്ടിന്റെ 'എന്നൈ നോക്കി പായും തോട്ട': ഫസ്റ്റ്ലുക്ക്
എന്തായാലും പ്രതിസന്ധികളെയെല്ലാം തരണം ചെയ്ത് ചിത്രം റിലീസിനൊരുങ്ങിയിരിക്കുകയാണ്. ചിത്രത്തിന്റേതായി പുറത്തിറങ്ങിയ പാട്ടുകളെല്ലാം തന്നെ ഏറെ ഹിറ്റായിരുന്നതിനാൽ ഏറെ ആകാംക്ഷയോടെയാണ് ആരാധകര് ചിത്രത്തിനായി കാത്തിരുന്നത്. മേഘ ആകാശാണ് ചിത്രത്തിൽ നായിക.
Also Read: ഗൗതം മേനോന് -ധനുഷ് ചിത്രം 'എന്നൈ നോക്കി പായും തോട്ട' ഉപേക്ഷിച്ചോ ?
Also Read: ഗൗതം മേനോൻ-ധനുഷ് കൂട്ടുകെട്ടിന്റെ 'എന്നൈ നോക്കി പായും തോട്ട': ഫസ്റ്റ്ലുക്ക്