'എന്നാലും ശരതി'ന്‍റെ ട്രെയിലർ പുറത്തിറങ്ങി

ബാലചന്ദ്രമോനോൻ ചിത്രം 'എന്നാലും ശരതി'ന്‍റെ ട്രെയിലർ പുറത്തിറങ്ങി. ദുൽഖർ സൽമാൻ ആണ് ചിത്രത്തിന്‍റെ ട്രെയിലർ പുറത്തിറക്കിയത്. മലയാളികൾക്ക് ഏറെ പ്രിയങ്കരനായ ബാലചന്ദ്രമോനോൻ തിരിച്ചെത്തുന്ന ഈ ചിത്രത്തിൽ യുവതാരങ്ങളുടെ ഒരു നീണ്ടനിര തന്നെയുണ്ട്. ചിത്രത്തിനായി കഥ, തിരക്കഥ ഒരുക്കിയത് ബാലചന്ദ്രമേനോൻ തന്നെയാണ്. ക്യാബസ് പശ്ചാത്തലത്തിൽ ഒരുങ്ങുന്ന ഒരു ത്രില്ലർ മൂവിയായിരിക്കും ഇത്.

നിധി അരുൺ, ചാർളി ജോ, നിത്യ നരേഷ്, ജോഷി മാത്യു എന്നിവരാണ് ചിത്രത്തിലെ മുഖ്യ കഥാപാത്രങ്ങളെ അവതരിപ്പിക്കുന്നത്. മല്ലിക സുകുമാരൻ, സുരഭി ലക്ഷ്മി തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. മേജർ രവി, ജോയ് മാത്യു, ലാൽജോസ്, സിദ്ധാർത്ഥ് ശിവ തുടങ്ങിയ സംവിധായകരും ചിത്രത്തിലെത്തുന്നുണ്ട് എന്നതാണ് മറ്റൊരു പ്രത്യേകത.

ബാലചന്ദ്രമേനോന്‍റെ ഫേസ്ബുക്ക് കുറിപ്പ്.....

ഒരു അപേക്ഷ... "എന്നാലും ശരത്" ട്രെയിലർ കണ്ടിട്ട് നടുങ്ങരുത്...

സിനിമ കാലത്തിനു അനുസരിച്ചു മാറ്റങ്ങൾക്കു വിധയമാകേണ്ട മാധ്യമം ആണ്, ഒപ്പം നമ്മുടെ ശൈലിയും. സിനിമയെ സ്നേഹിച്ചു ആദ്യദിവസം തിയേറ്ററിൽ എത്തുന്ന യുവത്വത്തെ കണക്കിലെടുത്തു ഞാൻ സംവിധാനം ചെയ്ത ചിത്രമാണ് ഇത്. ഒപ്പം ഞാൻ പണ്ട് പറഞ്ഞ കാര്യങ്ങൾ കുടി ഓർക്കുക.

"ജെയിംസ് ബോണ്ടിനെ വെച്ച് ഞാൻ ചിത്രം സംവിധാനം ചെയ്യാം പക്ഷെ അയാളുടെ ഓരോ ഇടിയുടെയും പിന്നിൽ അവന്റെ കുടുംബത്തോടുള്ള സ്നേഹവും വിധയത്വവും ഉണ്ടാകും"... നിങ്ങളുടെ അനുഗ്രഹങ്ങൾ പ്രതീക്ഷിച്ചു കൊണ്ട് നിങ്ങളുടെ സ്വന്തം ബാലചന്ദ്രമേനോൻ.