'എന്നും വരുന്ന ധൂമകേതു' സോള്‍ വെബ് ഫെസ്റ്റിവലിലേക്ക്

സൗത്ത് കൊറിയയിൽ നടക്കുന്ന സോള്‍ വെബ് ഫെസ്റ്റിവലിലേക്ക് മത്സരിക്കാന്‍ ഒരു മലയാളത്തിൽ നിന്നൊരു വെബ് സീരിസ്. വൈശാഖ് റീത്ത സംവിധാനം ചെയ്ത 'എന്നും വരുന്ന ധൂമകേതു' എന്ന പേരിലുള്ള മലയാളം വെബ് സീരീസാണ് മത്സരവിഭാഗത്തിലേക്ക് തിരഞ്ഞെടുക്കപ്പെട്ടിരിക്കുന്നത്. ജീവിതത്തില്‍ തന്‍റേതായ ഇടം നേടുന്നതിനായി ആഗ്രഹിക്കുന്ന സ്ത്രീകള്‍ നേരിടുന്ന പ്രതിസന്ധിയെക്കുറിച്ചാണ് ധൂമകേതു പറയുന്നത്.

Also Read: 'മനസ്സിലാക്കാമല്ലോ ദിലീപ് എന്ന നടന് മലയാള സിനിമയിൽ ഉള്ള സ്ഥാനം'; വിധു വിൻസെൻ്റിൻ്റെ പ്രസ്താവന ചൂണ്ടിക്കാട്ടി ആരാധകർ ചോദിക്കുന്നു!

ചിത്രത്തിന് കഥയും തിരക്കഥയും നിര്‍വഹിച്ചിരിക്കുന്നത് കൃഷാന്ത് ആര്‍ കെയാണ്. 24-ാമത് കേരള അന്താരാഷ്ട്ര ചലച്ചിത്രോത്സവത്തില്‍ മത്സരവിഭാഗത്തില്‍ ഭാഗമായിരുന്ന വൃത്താകൃതിയിലുള്ള ചതുരം എന്ന സിനിമ സംവിധാനം ചെയ്തയാളാണ് കൃഷാന്ത്. ലോകത്തെ പലരാജ്യങ്ങളില്‍നിന്നുള്ള വെബ് സീരീസുകള്‍ പ്രദര്‍ശിപ്പിക്കുന്ന വേദിയാണ് സോള്‍ ഫെസ്റ്റിവല്‍.

Also Read: നായിക കീഴ്ജാതിക്കാരിയാണെന്ന് പറഞ്ഞ് പല നടിമാരും പിന്മാറി; വെളിപ്പെടുത്തലുമായി ശ്രുതി മേനോന്‍

നന്ദിനി ഗോപാലകൃഷ്ണന്‍, സ്റ്റെഫി മരിയ രാജു, രാഹുല്‍ രാജഗോപാല്‍, ശ്രീജിത്ത് ബാബു, മിഥുന്‍ എസ് കുമാര്‍, ശ്രീനാഥ് ബാബു തുടങ്ങിയവരാണ് ഈ വെബ് സീരിസില്‍ അഭിനയിച്ചിരിക്കുന്നത്. അജ്മല്‍ ഹസബുള്ളയാണ് വെബ് സീരിസിലെ സംഗീതം കൈകാര്യം ചെയ്തിരിക്കുന്നത്.

Also Watch :