എന്‍റെ മെഴുതിരി അത്താഴങ്ങളിലെ ആദ്യ ഗാനം എത്തി

അനൂപ് മേനോൻ, മിയ തുടങ്ങിയവർ നായികാ നായകന്മാരായി എത്തുന്ന ചിത്രം എന്‍റെ മെഴുതിരി അത്താഴങ്ങളിലെ ആദ്യ ഗാനം പുറത്തിറങ്ങി. ''നീല നീല മിഴികളോ...''എന്നു തുടങ്ങുന്ന ഗാനമാലപിച്ചിരിക്കുന്നത് വിജയ് യേശുദാസ് ആണ്. റഫീഖ് അഹമ്മദിന്‍റെ വരികൾക്ക് എം. ജയചന്ദ്രനാണ് ഈണം പകർന്നിരിക്കുന്നത്.




നവാഗതനായ സൂരജ് തോമസ് ആണ് ചിത്രത്തിന്‍റെ സംവിധായകൻ. അനൂപ് മേനോന്‍റെതാണ് തിരക്കഥ. ഒരു ത്രികോണ പ്രണയകഥയാണ് ചിത്രം പറയുന്നത്. ഊട്ടിയിലാണ് ചിത്രീകരണം. ഒരു പാചകക്കാരന്‍റെ വേഷമാണ് അനൂപ് മോനോന് ചിത്രത്തിൽ. മെഴുകുതിരി നിർമ്മിക്കുന്ന ആളായി മിയയും എത്തുന്നു. പുതുമുഖം ഹന്നയാണ് മറ്റൊരു നായിക. ലാൽജോസ്, ദിലീഷ് പോത്തൻ, അലൻസിയർ, ബൈജു എന്നിവരും ചിത്രത്തിൽ അഭിനയിക്കുന്നുണ്ട്.