'എസ്ര'യിലെ "ലൈലാകമേ" ഗാനം 10 ലക്ഷം വ്യൂസ് കടന്നു

പൃഥ്വിരാജ് സുകുമാരൻ നായകനാവുന്ന 'എസ്ര'യിലെ "ലൈലാകമേ" ഗാനം യൂട്യൂബിൽ 10 ലക്ഷം വ്യൂസ് കടന്നു. ഹരിനാരായണൻ ബി.കെയുടെ വരികൾക്ക് രാഹുൽ രാജ് ഈണം പകർന്ന ഈ ഗാനം ആലപിച്ചിരിക്കുന്നത് ഹരിചരൺ ആണ്.

അപ്‍ലോഡ് ചെയ്ത് 24 മണിക്കൂറിനുള്ളിൽ 2.5 ലക്ഷത്തിലേറെ വ്യൂസ് നേടിയ ഗാനമാണിത്.

ജയ് കെ കഥയെഴുതി സംവിധാനം ചെയ്യുന്ന 'എസ്ര'യിൽ പൃഥ്വിരാജ് സുകുമാരൻ, പ്രിയ ആനന്ദ്, ടോവിനോ തോമസ്, സുജിത് ശങ്കർ, വിജയരാഘവൻ എന്നിവർ അഭിനയിക്കുന്നുണ്ട്. ഈ ഹൊറർ ത്രില്ലറിന്റെ ഛായാഗ്രഹണം സുജിത് വാസുദേവും ചിത്രസംയോജനം വിവേക് ഹർഷനുമാണ് നിർവഹിച്ചിരിക്കുന്നത്.



'Ezra' Song "Lailakame" Crosses 1 Million Views On YouTube.