മാലിക് പെരുന്നാളിന് തീയേറ്ററുകളിൽ; 2021 മെയ് 13 റിലീസ്

ഫഹദ് ഫാസിനെ നായകനാക്കി ഒരുക്കുന്ന ബിഗ് ബജറ്റ് ചിത്രം ‘മാലിക്’ ‌ റിലീസ് തീയതി പ്രഖ്യാപിച്ചു. 2021 മെയ് 13–നാണ് ചിത്രത്തിന്‍റെ റിലീസ്. അതിഗംഭീര മേക്കോവറിലാണ് ചിത്രത്തിൽ ഫഹദ് എത്തുന്നത്. ഒരാളുടെ പല കാലഘട്ടങ്ങളിലൂടെയാണ് സിനിമ വികസിക്കുന്നത്. യുവാവായും അൻപത്തിയഞ്ചുകാരൻ സുലൈമാൻ മാലികായുമൊക്കെ ഫഹദ് ചിത്രത്തിൽ എത്തുന്നുണ്ട്.

Also Read: അന്താരാഷ്ട്ര മേളകളിൽ ശ്രദ്ധ നേടി 'നിയോൺ സീ'; മലയാളി സംവിധായകൻ്റെ സിനിമയ്ക്ക് അംഗീകാരം!

ടേക്ക് ഓഫിനും സീയു സൂണിനും ശേഷം മഹേഷ് നാരായണൻ ഒരുക്കുന്ന സിനിമയിൽ ജോജു ജോര്‍ജ്ജ്, വിനയ് ഫോര്‍ട്ട്, ദിലീഷ് പോത്തൻ, നിമിഷ സജയൻ, ചന്ദുനാഥ് തുടങ്ങി നിരവധി കഥാപാത്രങ്ങളുമുണ്ട്. ഒരാളുടെ ‌ഇരുപത് വയസ് മുതല്‍ 55 വയസ് വരെയുള്ള ജീവിതം പ്രമേയമാക്കിയാണ് സിനിമ.

Also Read: ഒരു സൂപ്പർ ഗ്ലൂ കൊണ്ട് ഒട്ടിച്ചതു പോലെ! 9-ാം വിവാഹ വാ‍ർഷിക ചിത്രവുമായി ഡിക്യു

ഫഹദിന്‍റെ കരിയറിലെ തന്നെ കൂടുതൽ മുതൽമുടക്കുള്ള സിനിമ കൂടിയാണ് മാലിക്. 25 കോടിയിലേറെ ബജറ്റിലാണ് ചിത്രം ഒരുങ്ങുന്നത്. സിനിമയ്ക്കുവേണ്ടി ഫഹദ് 20 കിലോയോളം ഭാരം കുറച്ചത് വലിയ വാര്‍ത്തയായിരുന്നു. ജോസഫ് ഫിലിം കമ്പനിയുടെ ബാനറിൽ ആന്‍റോ ജോസഫ് നിർമ്മിക്കുന്നതാണ് സിനിമ.
സാനു ജോൺ വർഗീസ് ആണ് ഛായാഗ്രഹണം. സംഗീതം സുഷിൻ ശ്യാമാണ്. ബാഹുബലി സ്റ്റണ്ട് ഡയറക്ടർ ആയിരുന്ന ലീ വിറ്റേക്കറാണ് സിനിമയിൽ സംഘട്ടനം ഒരുക്കിയിട്ടുള്ളത്.

Also Watch :