ഫഹദ് ചിത്രം ട്രാന്‍സ്: ഫസ്റ്റ് ലുക്ക് എത്തി

ഫഹദിനെ നായകനാക്കി അന്‍വര്‍ റഷീദ് ഒരുക്കുന്ന 'ട്രാന്‍സി'ന്‍റെ ഫസ്റ്റ് ലുക്ക് പുറത്ത് വിട്ടു. 2012ല്‍ ദുൽഖറിനെ നായകനാക്കി ഒരുക്കിയെത്തിയ ഉസ്താദ് ഹോട്ടലിന് ശേഷം അന്‍വര്‍ സംവിധാനം ചെയ്യുന്ന ചിത്രമാണിത്. സിനിമയിലെ ഫഹദിന്‍റെ നിസ്സംഗ ഭാവത്തോടെയുള്ള ചിത്രമാണ് പോസ്റ്ററിലുള്ളത്. ഫഹദിന്‍റെ ഇരുവശത്തും രണ്ടുപേരുടെ മൃതദേഹങ്ങൾ തൂങ്ങി നിൽക്കുന്നതായും ചിത്രത്തിൽ കാണാം.

വിനായകന്‍, സൗബിന്‍, ചെമ്പന്‍ വിനോദ്, ശ്രീനാഥ് ഭാസി, അല്‍ഫോന്‍സ് പുത്രന്‍ എന്നിവരാണ് ചിത്രത്തിലെ മറ്റു പ്രധാന താരങ്ങള്‍. അന്‍വര്‍ റഷീദ് എന്‍റര്‍ടൈന്‍മെന്‍റിന്‍റെ ബാനറിലാണ് വിന്‍സന്‍റ് വടക്കന്‍ തിരക്കഥ എഴുതുന്ന ഈ ചിത്രം നിര്‍മിക്കുന്നത്.

അമല്‍ നീരദാണ് ക്യാമറ കൈകാര്യം ചെയ്യുന്നത്. ജാക്സണ്‍ വിജയനാണ് സംഗീതം ഒരുക്കുന്നത്. ഓസ്കാര്‍ ജേതാവ് റസൂല്‍ പൂക്കുട്ടിയാണ് സൗണ്ട് ഡിസൈനര്‍.കലാസംവിധാനം-അജയന്‍ ചാലശേരി. 2018 ഏപ്രില്‍ 28 നാണ് ചിത്രം തീയേറ്ററുകളിലെത്തുക.