മണിച്ചിത്രത്താ‍ഴ് മോഷണം എന്നാരോപിച്ച് അശ്വതി തിരുനാൾ

മലയാളത്തിന്റെ സൂപ്പര്‍ഹിറ്റ് ചലച്ചിത്രം മണിചിത്രത്താഴിനെതിരെ പുതിയ ആരോപണം. 1983ൽ കുങ്കുമം മാസികയിൽ പ്രസിദ്ധീകരിച്ച വിജനവീഥി എന്ന നോവലാണ് മണിച്ചിത്രത്താ‍ഴ് എന്ന സിനിമയായത് എന്നാണ് ആരോപണം. 30 വര്‍ഷങ്ങള്‍ക്ക് ശേഷം പഴയ നോവല്‍ പുന:പ്രസിദ്ധീകരിച്ചുകൊണ്ടാണ് കഥാകൃത്ത് പ്രതിഷേധത്തിന് ഒരുങ്ങുന്നത്. 1993ലാണ് മണിച്ചിത്രത്താ‍ഴ് റിലീസായത്.

ഫാസിൽ സംവിധാനം ചെയ്ത സിനിമയുടെ തിരക്കഥ മധുമുട്ടമാണ്. 10ലധികം സിനിമകളുടെ സഹസംവിധായകനായിരുന്ന ശശികുമാര്‍ പിന്നീട് ആത്മീയ വഴിയിലെത്തി അശ്വതി തിരുന്നാള്‍ ആയി മാറുകയായിരുന്നു. ഏറെ വിവാദങ്ങൾ മണിച്ചിത്രത്താ‍ഴിനെ സംബന്ധിച്ച് ഉണ്ടായിട്ടുണ്ട്. ശോഭന ജീവൻ കൊടുത്ത നാഗവല്ലി എന്ന കഥാപാത്രത്തിന്‍റെ ഡബിംഗ് മുതൽ ചിത്രത്തിന്‍റെ പാട്ടുകളെ കുറിച്ചും കഥയെ കുറിച്ചുമെല്ലാം വിവാദമുണ്ടായിട്ടുണ്ട്. പുതിയ ആരോപണത്തെ കുറിച്ച് അണിയറക്കാര്‍ ആരും ഇതുവരെ പ്രതികരിക്കാന്‍ തയ്യാറായിട്ടില്ല.



Manichitrathazhu script stolen?


Director Aswathi Thirunal(Sasikumar)alleged Malayalam super hit Movie Manichitrathazhu Script was Stolen.