മോഹന്‍ലാലും ശോഭനയും അസാധ്യ പ്രകടനമായിരുന്നു!; 'മണിച്ചിത്രത്താഴി'ലെ ആ രംഗം ചിത്രീകരിച്ചത് ഇങ്ങനെയെന്ന് ഫാസില്‍!

മലയാളികള്‍ എന്നെന്നും ഓര്‍ത്തിരിക്കുന്ന സൈക്കോളജിക്കല്‍ ത്രില്ലര്‍ ചിത്രങ്ങളിലൊന്നാണ് മണിച്ചിത്രത്താഴ്. ഫാസില്‍ സംവിധാനം ചെയ്ത ഈ സിനിമയിലെ ഓരോ രംഗങ്ങളും അന്നും പ്രേക്ഷക മനസ്സില്‍ നിറഞ്ഞുനില്‍ക്കുന്നുണ്ട്. പ്രിയദര്‍ശന്‍, സിബി മലയില്‍, സിദ്ദിഖ്-ലാല്‍ തുടങ്ങിയവരും ഈ സിനിമയുമായി സഹകരിച്ചിരുന്നു. നാല് സംവിധായകരാണ് ഈ സിനിമയ്ക്കായി അണിനിരന്നത്. മധുമുട്ടം തിരക്കഥയൊരുക്കിയ ചിത്രത്തിലെ ഗാനങ്ങളും ശ്രദ്ധേയമായിരുന്നു. മോഹന്‍ലാല്‍, സുരേഷ് ഗോപി, ശോഭന, വിനയപ്രസാദ്, നെടുമുടി വേണു, ഗണേഷ് കുമാര്‍, ഇന്നസെന്റ്, സുധീഷ്, കെപിഎസി ലളിത തുടങ്ങി വന്‍താരനിരയായിരുന്നു ചിത്രത്തിനായി അണിനിരന്നത്.

Also Read: കൂൾ ലുക്കിൽ ശ്രുതി! 'അന്വേഷണം' നായികയുടെ പുത്തൻ ചിത്രങ്ങൾ വൈറൽ

അവരവരുടെ കഥാപാത്രങ്ങളെ അങ്ങേയറ്റം മനോഹരമാക്കിയാണ് ഓരോ താരവും അവതരിപ്പിച്ചത്. ഗംഗയും നകുലനും സണ്ണിയും അവരുടെ വരവും ഡയലോഗുകളുമെല്ലാം ഇന്നും മിമിക്രി വേദികളില്‍ മുഴങ്ങാറുണ്ട്. സൈക്കോസിസിന്റെ അവസ്ഥാന്തരങ്ങളെക്കുറിച്ച് മാത്രമല്ല നാഗവല്ലിയേയും നകുലന്റെ ഗംഗേ വിളിയുമൊക്കെ പ്രേക്ഷക മനസ്സില്‍ ഇപ്പോഴും നിറഞ്ഞുനില്‍ക്കുന്നുണ്ട്. ബോക്‌സോഫീസില്‍ നിന്നും മികച്ച വിജയമാണ് ചിത്രം സ്വന്തമാക്കിയത്. തമിഴ്, കന്നഡ, ഹിന്ദി, ബംഗാളി ഭാഷകളിലേക്ക് ചിത്രം റീമേക്ക് ചെയ്തിരുന്നു.

സിനിമയിലെ ആവാഹന രംഗങ്ങള്‍ ചിത്രീകരിച്ചതിനെക്കുറിച്ച് തുറന്നുപറഞ്ഞ് എത്തിയിരിക്കുകയാണ് ഫാസില്‍. ഒരു മാധ്യമത്തിന് നല്‍കിയ അഭിമുഖത്തിനിടയിലാണ് അദ്ദേഹം ഈ വിശേഷങ്ങള്‍ പങ്കുവെച്ചത്. മോഹന്‍ലാലും ശോഭനയുമുള്‍പ്പടെ എല്ലാ താരങ്ങളും സമയം പോലും നോക്കാതെയായിരുന്നു ആ രംഗത്തില്‍ ഇന്‍വോള്‍വായതെന്നും അദ്ദേഹം ഓര്‍ത്തെടുക്കുന്നു. ചിത്രീകരണം മനോഹരമായി പൂര്‍ത്തിയാക്കുക, ടേക്കുകള്‍ എടുക്കുക എന്നതായിരുന്നു എല്ലാവരുടേയും ചിന്തയെന്നും അദ്ദേഹം പറയുന്നു.

Also Read: 'കുട്ടി ജാനു'വിന്‍റെ അടുത്ത ചിത്രം തമിഴ് സൂപ്പർതാരത്തോടൊപ്പം! പുതിയ വിശേഷം പങ്കുവെച്ച് താരം

ഒരു കൂട്ടായ്മയുടെ കൂടി വിജയമായിരുന്നു അത്. എത്ര ചിത്രീകരിച്ചാലും മതിയാവാത്ത അവസ്ഥയായിരുന്നു. അഭിനേതാക്കള്‍ ഇത്രയുമധികം ഇന്‍വോള്‍വ് ആകുമ്പോള്‍ സംവിധായകനും അറിയാതെ അതില്‍പെടും. ടെക്‌നീഷ്യന്‍സും അതില്‍ ചേരാറുണ്ട്. സിനിമയില്‍ കിട്ടുന്ന അസുലഭ നിമിഷങ്ങള്‍ കൂടിയാണിത്. അഭിനയിച്ച താരങ്ങളുടെയെല്ലാം കരിയര്‍ ബ്രേക്ക് സിനിമയായി മാറിയിരുന്നു മണിച്ചിത്രത്താഴ്.