തീയേറ്ററുകള്‍ ഉടനെയൊന്നും തുറക്കാന്‍ കഴിയില്ല: ലിബര്‍ട്ടി ബഷീര്‍

കൊവിഡ് വൈറസ് രോഗ ഭീതി നിലനിൽക്കുന്നതിനാൽ ലോക് ഡൗൺ പിൻവലിച്ചാലും തീയേറ്ററുകള്‍ ഉടനെയൊന്നും തുറക്കാൻ കഴിയില്ലെന്ന് ഫിലിം എക്സിബിറ്റേഴ്സ് ഫെഡറേഷൻ പ്രസിഡന്‍റും തീയേറ്റര്‍ ഉടമയുമായ ലിബര്‍ട്ടി ബഷീര്‍. മലയാള സിനിമ ഇനി പഴയ നിലയിലേക്ക് എത്തണമെങ്കില്‍ രണ്ടുമൂന്ന് വര്‍ഷമെങ്കിലും വേണ്ടിവരുമെന്നും അദ്ദേഹം വ്യക്തമാക്കിയിരിക്കുകയാണ്.

കഴിഞ്ഞ ദിവസം ഒരു ചാനൽ ചർച്ചയിലാണ് അദ്ദേഹം ഇത് വ്യക്തമാക്കിയത്. പ്രളയസമയത്തുപോലും തീയേറ്ററുകള്‍ ഇത്രമാത്രം പ്രശ്നം നേരിട്ടിട്ടില്ല, പക്ഷേ നിലവിലെ സാഹചര്യം തീയേറ്റര്‍ വ്യവസായത്തിന് വലിയ ഭീഷണിയാണെന്നും അദ്ദേഹം കൂട്ടിച്ചേര്‍ത്തു.

Also Read: 'ബാലേട്ടന്‍റെ' മക്കളായി മനം കവർന്ന 'ക്യൂട്ട് സിസ്റ്റേഴ്സ്' ഇവിടെയുണ്ട് !

കേരളം കൊവിഡില്‍ നിന്ന് മോചിതമായാലും ഉടനെ തിയറ്ററുകള്‍ തുറക്കാന്‍ കഴിയാത്ത സ്ഥിതിയാണ്. ഒരു മലയാള സിനിമ പുറത്തിറക്കണമെങ്കില്‍, ലാഭം നേടണമെങ്കിൽ ഏറ്റവും ചുരുങ്ങിയത് യുഎഇയില്‍ കൂടിയെങ്കിലും റിലീസ് ചെയ്യാനാകണം. അത് മലയാള സിനിമകളുടെ കാര്യം മാത്രമാണ്, അന്യഭാഷാ സിനിമകളുടെ കാര്യമാണെങ്കില്‍ ലോകം മുഴുവന്‍ പഴയ സ്ഥിതിയിലാകേണ്ട അവസ്ഥയാണ്, അദ്ദേഹം പറഞ്ഞു.

Also Read: അമ്മയില്‍ നിന്ന് ലഭിച്ച പുതിയ വിശേഷം പങ്കിട്ട് പൂര്‍ണിമ; നക്ഷത്രയുടെ ചിരിയ്ക്ക് എന്തൊരഴകാണെന്ന് ആരാധകരും!

ലോക്ക് ഡൗണ്‍ പിന്‍വലിക്കപ്പെട്ടാലും തിയറ്ററുകള്‍ അടഞ്ഞുകിടക്കുന്ന അവസ്ഥയാകും. ജനം ഭീതി കൂടാതെ പുറത്തിറങ്ങിതുടങ്ങിയാലേ നിര്‍മ്മാതാക്കള്‍ക്കും വിതരണക്കാര്‍ക്കുമൊക്കെ സിനിമ ഇറക്കാൻ കഴിയൂ. ഈ വര്‍ഷം ഓണത്തിനെങ്കിലും തീയേറ്ററുകളും തുറന്നുപ്രവര്‍ത്തിക്കുമെന്ന് കരുതുന്നതായും അദ്ദേഹം വ്യക്താക്കി. സിനിമാ വ്യവസായം ഒന്ന് പച്ചപിടിക്കുന്ന ഘട്ടമായിരുന്നു. അതും ഇപ്പോള്‍ പ്രശ്നത്തിലായിരിക്കുകയാണെന്നും അദ്ദേഹം പറഞ്ഞു.

Also Watch :