സിനിമയുടെ പോസ്റ്റ് പ്രൊഡക്ഷൻ ജോലികൾ മെയ് 4 മുതൽ ആരംഭിക്കാൻ അനുമതി

ലോക് ഡൗൺ മൂലം നിര്‍ത്തിവെച്ചിരിക്കുന്ന സിനിമകളുടെ പോസ്റ്റ് പ്രൊഡക്ഷൻ ജോലികൾ മെയ് നാല് മുതൽ ആരംഭിക്കാൻ അനുമതി നൽകും. ഇതു സംബന്ധിച്ച് ഇന്ന് മുഖ്യമന്ത്രിയുമായി സംസാരിച്ച ശേഷം മന്ത്രി എ.കെ ബാലനാണ് ഇത് അറിയിച്ചിരിക്കുന്നത്. പരമാവധി അഞ്ച് പേർക്ക് ചെയ്യാവുന്ന ജോലികളാണ് ചെയ്യാൻ അനുമതി നൽകിയിരിക്കുന്നത്.

Also Read: സിനിമ സങ്കല്‍പ്പങ്ങളെ പൊളിച്ചെഴുതിയ സംവിധായകൻ; സിബി മലയിലിന് 64ാം പിറന്നാൾ

ഗ്രീൻ സോണിൽ ഓഫീസുകൾ പരിമിതമായ ആളുകളെ വെച്ച്‌ തുറക്കുന്ന സാഹചര്യത്തിലാണ് സിനിമാ-ടെലിവിഷൻ മേഖലയിലും ചില ജോലികൾക്ക് അനുമതി നൽകുന്നത്. ഡബ്ബിങ്ങ്‌, സംഗീതം, സൗണ്ട്‌ മിക്സിങ്ങ്‌ എന്നീ ജോലികൾ തിങ്കളാഴ്ച്ച മുതൽ ആരംഭിക്കാം.
‌
ജോലികൾ പുനഃരാരംഭിക്കുന്നതിനു മുമ്പ്‌, സ്റ്റുഡിയോകൾ അണുവിമുക്തമാക്കണം. സർക്കാർ നിർദ്ദേശിച്ചിട്ടുള്ള സുരക്ഷാ മർഗ്ഗങ്ങളായ മാസ്ക്‌ ധരിക്കുക, കൈകൾ അണുവിമുക്തമാക്കുക, സാമൂഹ്യ അകലം തുടങ്ങിയവ കർശ്ശനമായി പാലിച്ചു വേണം സ്റ്റുഡിയോ ജോലികൾ പുനഃരാരംഭിക്കുവാനെന്നും അറിയിച്ചിട്ടുണ്ട്.

Also Read: ചുണ്ടുകള്‍ കള്ളം പറയില്ല! പുത്തൻ ചിത്രങ്ങളുമായി നടി ഹരിപ്രിയ

കൊറോണ വൈറസ് ബാധയുടെ പശ്ചാത്തലത്തിൽ രാജ്യം മുഴുവൻ സിനിമ, സീരിയൽ, ടിവി ഷോ ചിത്രീകരണങ്ങൾ നിർത്തി വെച്ചിരുന്നത് മാർച്ച് ആദ്യവാരം മുതലാണ്. ആദ്യം മാർച്ച് 31 വരെ ചിത്രീകരണം നിർത്തിവയ്ക്കാനായിരുന്നു തീരുമാനമെങ്കിലും കൊവിഡ് ലോകം മുഴുവൻ വ്യാപിച്ചതോടെ മെയ് വരെ നീട്ടിവയ്ക്കുകയായിരുന്നു.

Also Watch :