പ്രിയ വാര്യര്‍ പാടിയ 'ഫൈനൽസി'ലെ ‘നീ മഴവില്ലു പോലെൻ’ വീഡിയോ ഗാനം
രജിഷ വിജയനും നിരഞ്ജും പ്രധാനവേഷങ്ങളിലെത്തുന്ന ഫൈനൽസ് എന്ന ചിത്രത്തിലെ പുതിയ ഗാനം പുറത്തിറങ്ങിയിരിക്കുകയാണ്
Samayam Malayalam 31 Aug 2019, 11:16 am
'ജൂണ്‍' എന്ന ചിത്രത്തിന് ശേഷം നടി രജിഷ വിജയന്‍ കേന്ദ്രകഥാപാത്രമാകുന്ന പുതിയ ചിത്രമായ 'ഫൈനല്‍സി'ലെ പുതിയ വീഡിയോ ഗാനം പുറത്തിറങ്ങി. ‘നീ മഴവില്ലു പോലെന്‍…’ എന്നു തുടങ്ങുന്ന ഗാനം ആലപിച്ചിരിക്കുന്നത് ‘അഡാര്‍ ലൗ’ എന്ന സിനിമയിലൂടെ ശ്രദ്ധനേടിയ പ്രിയ വാര്യരും ഗായകൻ നരേഷ് അയ്യരും ചേര്‍ന്നാണ്. ശ്രീരേഖ ഭാസ്‌കരന്‍റെ വരികള്‍ക്ക് സംഗീതമൊരുക്കിയിരിക്കുന്നത് തീവണ്ടിയിലെ ‘ജീവാംശമായ്…’ എന്ന ഗാനത്തിലൂടെ ഏറെ ശ്രദ്ധിക്കപ്പെട്ട സംഗീതസംവിധായകൻ കൈലാസ് മേനോനാണ്.
കൈലാസിന് ഗാനരചയിതാവും സംവിധായകനുമായ ഗിരീഷ് പുത്തഞ്ചേരി മരണത്തിൻ്റെ സന്ധ്യ കടക്കും മുൻപ് എഴുതി നൽകിയ ഗാനമെന്ന നിലയിൽ പുറത്തിറങ്ങിയ 'മഞ്ഞുകാലം ദൂരെ മാഞ്ഞു...മിഴിനീര്‍ സിന്ധ്യ മറഞ്ഞു' എന്ന വരികളോടെ തുടങ്ങുന്ന ഗാനം ഫൈനൽസിലേതായി മുമ്പ് പുറത്തിറങ്ങിയിരുന്നു. സംവിധായകൻ രഞ്ജിത്ത് ഗിരീഷ് പുത്തഞ്ചേരിയെ കുറിച്ച് പറയുന്ന മുഖവുരയോടെ ഇറങ്ങിയ ഈ ഗാനം ഏറെ ശ്രദ്ധിക്കപ്പെട്ടിരുന്നു.
Also Read: 'മഞ്ഞുകാലം ദൂരെ മാഞ്ഞു...' മരണത്തിന് മുൻപ് ഗീരീഷ് പുത്തഞ്ചേരി എഴുതിയ ഗാനം
പുതുമുഖ സംവിധായകനായ പി.ആർ അരുൺ സംവിധാനം ചെയ്യുന്ന ഫൈനൽസ് ഒരു സ്‌പോര്‍ട്‌സ് ചിത്രമായാണ് ഒരുങ്ങുന്നത്. ഒളിംപിക്‌സിനായി തയ്യാറെടുക്കുന്ന സൈക്ലിസ്റ്റായാണ് ചിത്രത്തില്‍ രജിഷ വിജയന്‍ അഭിനയിക്കുന്നത്. സുരാജ് വെഞ്ഞാറമൂട് രജീഷയുടെ അച്ഛനായും നിരഞ്ജ് നായകനായും അഭിനയിക്കുന്നു. ധ്രുവന്‍, ടിനി ടോം, കുഞ്ചന്‍, മാല പാര്‍വ്വതി, മുത്തുമണി തുടങ്ങിയവരും ചിത്രത്തിൽ പ്രധാനവേഷങ്ങളിലുണ്ട്. നടി മുത്തുമണിയുടെ ഭർത്താവാണ് പി ആർ അരുൺ.
Also Read: രജിഷ വിജയൻ്റെ 'ഫൈനൽസ്' ചിത്രീകരണം പൂർത്തിയായി
മണിയന്‍ പിളള രാജുവും പ്രജീവ് സത്യവര്‍ദ്ധനും ചേര്‍ന്നാണ് ചിത്രം നിര്‍മ്മിക്കുന്നത്. സുധീപ് ഇളമണ്‍ ഛായാഗ്രഹണവും ജിത്ത് ജോഷി ചിത്രസംയോജനവും ശ്രീജിത്ത് ശ്രീനിവാസൻ ശബ്ദലേഖനവും ത്യാഗു കലാസംവിധാനവും പ്രദീപ് രംഗൺ ചമയവും സ്റ്റെഫി സേവ്യർ വസ്ത്രാലങ്കാരവും നിര്‍വ്വഹിക്കുന്ന ചിത്രം സെപ്റ്റംബര്‍ ആറിന് ഓണം റിലീസായാണ് തിയറ്ററുകളിലെത്തുന്നത്.
കൈലാസിന് ഗാനരചയിതാവും സംവിധായകനുമായ ഗിരീഷ് പുത്തഞ്ചേരി മരണത്തിൻ്റെ സന്ധ്യ കടക്കും മുൻപ് എഴുതി നൽകിയ ഗാനമെന്ന നിലയിൽ പുറത്തിറങ്ങിയ 'മഞ്ഞുകാലം ദൂരെ മാഞ്ഞു...മിഴിനീര്‍ സിന്ധ്യ മറഞ്ഞു' എന്ന വരികളോടെ തുടങ്ങുന്ന ഗാനം ഫൈനൽസിലേതായി മുമ്പ് പുറത്തിറങ്ങിയിരുന്നു. സംവിധായകൻ രഞ്ജിത്ത് ഗിരീഷ് പുത്തഞ്ചേരിയെ കുറിച്ച് പറയുന്ന മുഖവുരയോടെ ഇറങ്ങിയ ഈ ഗാനം ഏറെ ശ്രദ്ധിക്കപ്പെട്ടിരുന്നു.
Also Read: 'മഞ്ഞുകാലം ദൂരെ മാഞ്ഞു...' മരണത്തിന് മുൻപ് ഗീരീഷ് പുത്തഞ്ചേരി എഴുതിയ ഗാനം
പുതുമുഖ സംവിധായകനായ പി.ആർ അരുൺ സംവിധാനം ചെയ്യുന്ന ഫൈനൽസ് ഒരു സ്‌പോര്‍ട്‌സ് ചിത്രമായാണ് ഒരുങ്ങുന്നത്. ഒളിംപിക്‌സിനായി തയ്യാറെടുക്കുന്ന സൈക്ലിസ്റ്റായാണ് ചിത്രത്തില്‍ രജിഷ വിജയന്‍ അഭിനയിക്കുന്നത്. സുരാജ് വെഞ്ഞാറമൂട് രജീഷയുടെ അച്ഛനായും നിരഞ്ജ് നായകനായും അഭിനയിക്കുന്നു. ധ്രുവന്‍, ടിനി ടോം, കുഞ്ചന്‍, മാല പാര്‍വ്വതി, മുത്തുമണി തുടങ്ങിയവരും ചിത്രത്തിൽ പ്രധാനവേഷങ്ങളിലുണ്ട്. നടി മുത്തുമണിയുടെ ഭർത്താവാണ് പി ആർ അരുൺ.
Also Read: രജിഷ വിജയൻ്റെ 'ഫൈനൽസ്' ചിത്രീകരണം പൂർത്തിയായി
മണിയന്‍ പിളള രാജുവും പ്രജീവ് സത്യവര്‍ദ്ധനും ചേര്‍ന്നാണ് ചിത്രം നിര്‍മ്മിക്കുന്നത്. സുധീപ് ഇളമണ്‍ ഛായാഗ്രഹണവും ജിത്ത് ജോഷി ചിത്രസംയോജനവും ശ്രീജിത്ത് ശ്രീനിവാസൻ ശബ്ദലേഖനവും ത്യാഗു കലാസംവിധാനവും പ്രദീപ് രംഗൺ ചമയവും സ്റ്റെഫി സേവ്യർ വസ്ത്രാലങ്കാരവും നിര്‍വ്വഹിക്കുന്ന ചിത്രം സെപ്റ്റംബര്‍ ആറിന് ഓണം റിലീസായാണ് തിയറ്ററുകളിലെത്തുന്നത്.