ഇന്ദ്രജിത്തും ശിവദയും ഒന്നിക്കുന്ന 'ലക്ഷ്യ'ത്തിലെ ആദ്യ ഗാനം

ബിജു മേനോനും ഇന്ദ്രജിത്തും ഒന്നിക്കുന്ന ലക്ഷ്യത്തിന്‍റെ ആദ്യ ഗാനം പുറത്തിറങ്ങി. അന്‍സാര്‍ ഖാനാണ് ചിത്രം സംവിധാനം ചെയ്യുന്നത്. ജീത്തു ജോസഫാണ് ചിത്രത്തിന് തിരക്കഥ ഒരുക്കിയിരിക്കുന്നത്. ഇതാദ്യമായാണ് മറ്റൊരു സംവിധായകനു വേണ്ടി ജീത്തു തിരക്കഥ ഒരുക്കുന്നത്. വിന്‍റേജ് ഫിലീംസിന്‍റെ ബാനറില്‍ ജീത്തു ജോസഫും ജോയ് തോമസ് ശക്തികുളങ്ങരയും തേജി മണലേലും ചേർന്നാണ് ചിത്രം നിര്‍മിച്ചിരിക്കുന്നത്.

വിമല്‍ എന്ന ഐടി ജീവനക്കാരനായി ഇന്ദ്രജിത്തും ചേരി പ്രദേശത്തു നിന്നുള്ള മുസ്തഫ എന്ന കഥാപാത്രമായി ബിജുമേനോനും ചിത്രത്തില്‍ അഭിനയിക്കുന്നു.ശിവദയാണ് നായിക. ഇന്ദ്രജിത്തും ശിവദയുമാണ് ഇപ്പോൾ പുറത്തിറങ്ങിയിരിക്കുന്ന ഗാനരംഗത്തിലുള്ളത്. എം ജയചന്ദ്രനാണ് കാറ്റു വന്നുവോ എന്ന് തുടങ്ങുന്ന ഗാനത്തിന് ഈണം പകര്‍ന്നിരിക്കുന്നത്. സന്തോഷ് വര്‍മ രചിച്ച ഗാനം ആലപിച്ചിരിക്കുന്നത് വിജയ് യേശുദാസാണ്.




First song from new Malayalam Movie Lakshyam

First video song from the new Movie Lakshyam, starring by Indrajith and Biju menon.