ഡാർവിന്‍റെ പരിണാമത്തിലെ ആദ്യ വീഡിയോ ഗാനം എത്തി

പൃഥ്വിരാജിനെ നായകനാക്കി ജിജോ ആന്‍റണി സംവിധാനം ചെയ്യുന്ന ഡാര്‍വിന്റെ പരിണാമത്തിലെ ആദ്യ വീഡിയോ ഗാനം റിലീസ് ചെയ്തു. കാതങ്ങള്‍ കിനാവില്‍ എന്ന് ആരംഭിക്കുന്ന ഗാനമാണ് യുട്യൂബിൽ റിലീസ് ചെയ്തത്. ഹരിനാരായണന്‍ ബി കെയുടെ വരികള്‍ക്ക് ശങ്കര്‍ ശര്‍മയാണ് സംഗീതം ഒരുക്കിയിരിക്കുന്നത്. ഹരിചരണാണ് ആലാപനം. കൊന്തയും പൂണൂലും എന്ന ചിത്രത്തിന് ശേഷം ജിജോ ആന്‍റണി സംവിധാനം ചെയ്യുന്ന ചിത്രത്തിൽ ചാന്ദ്നി ശ്രീധരനാണ് നായിക. ഓഗസ്റ്റ് സിനിമാസാണ് നിർമാണം. മനോജ് നായരുടേതാണ് തിരക്കഥ.