'ഒടിയന്റെ' വിശേഷങ്ങളുമായി മോഹൻലാൽ നാളെയെത്തും

ഇന്ത്യൻ സിനിമയിൽ തന്നെ ഇതുവരെ ചർച്ച ചെയ്യാത്ത വ്യത്യസ്തമായ ഒരു കഥയുമായി വരുന്ന ചിത്രമാണ് 'ഒടിയൻ'. ചിത്രത്തിന്റെ മോഷൻ പോസ്റ്റർ സോഷ്യൽ മീഡിയ വഴി തരംഗമായിരുന്നു. ആക്ഷനും പ്രണയത്തിനും മാന്ത്രിക താന്ത്രിക വിദ്യകൾക്കും പ്രാധാന്യം നൽകുന്ന ഒരു ഫാൻസ്റ്റസി ചിത്രമായിരിക്കും ഒടിയൻ. പ്രശസ്ത പരസ്യ സംവിധായകൻ ശ്രീകുമാർ മേനോൻ ആണ് ഈ ചിത്രം സംവിധാനം ചെയ്യുന്നത്. ആശിർവാദ് സിനിമാസിന്റെ ബാനറിൽ വരുന്ന ഏറ്റവും ചിലവേറിയ ചിത്രമായിരിക്കും ഓടിയൻ.

ദേശിയ അവാർഡ് ജേതാവായ ഹരികൃഷ്ണൻ ആണ് ചിത്രത്തിന്റെ തിരക്കഥ തയ്യാറാക്കിയിരിക്കുന്നത്. 1990 കളിൽ നിലനിന്നിരുന്ന ഒടി വിദ്യയെ ആസ്പദമാക്കി ആണ് ചിത്രത്തിന്റെ കഥ മുന്നോട്ട് പോകുന്നത്. ദുർമന്ത്രവാദം ആണ് ചിത്രത്തിന്റെ ഇതിവൃത്തം. വാരണാസിയിൽ ആദ്യ ഷെഡ്യൂൾ പൂർത്തിയാക്കിയ ചിത്രത്തിന്റെ ആദ്യ വീഡിയോ മോഹൻലാൽ തന്റെ ഒഫീഷ്യൽ പേജിലൂടെ പോസ്റ്റ് ചെയ്തു. കൂടുതൽ വിശേഷങ്ങൾ നാളെ രാവിലെ 10 മണിക്ക് വീഡിയോ ആയി നൽകും.


ചിത്രത്തിന്റെ സംവിധായകൻ ശ്രീകുമാർ മേനോൻ തന്റെ ട്വിറ്റർ പേജിലൂടെയും ഇക്കാര്യം പ്രേക്ഷകരെ അറിയിച്ചു. വിഎഫ്എക്‌സിനും ഗ്രാഫിക്കൽ വർക്കുകൾക്കും ഏറെ പ്രാധ്യാനം നൽകുന്ന ചിത്രം 2018 മാർച്ച് 30ന് റിലീസ് ചെയ്യും.

Odiyan "Manikyan" first video

From Kashi to Thenkurissi, Odiyan "Manikyan" first video.