ചിരിപെരുന്നാളുമായ് 'ഫുക്രി' ട്രെയ്‍ല‍ർ

മലയാള സിനിമയിലെ എന്നത്തേയും സൂപ്പര്‍ ഹിറ്റുകളുടെ സൂത്രധാരന്മാരായ സിദ്ദിഖ്– ലാല്‍ കൂട്ടുകെട്ടില്‍ ജയസൂര്യ നായകനായി സിദ്ദിഖ് സംവിധാനം ചെയ്യുന്ന ഫുക്രിയുടെ ട്രെയിലർ എത്തി. ലാല്‍ മറ്റൊരു പ്രധാന കഥാപാത്രത്തെ അവതരിപ്പിക്കുന്നുണ്ട്. 1989ല്‍ പുറത്തിറങ്ങിയ പപ്പന്‍ പ്രിയപ്പെട്ട പപ്പന്‍ എന്ന ചിത്രത്തില്‍ തുടങ്ങിയ ഇവരുടെ കൂട്ടുകെട്ടില്‍ റാംജി റാവു സ്പീക്കിങ്, ഇന്‍ ഹരിഹര്‍ നഗര്‍, ഗോഡ്ഫാദര്‍, കാബൂളി വാല, എന്നീഹിറ്റുകളുടെ പരമ്പര തന്നെയുണ്ടായി. 1993ല്‍ പുറത്തിറങ്ങിയ വിയറ്റ്നാം കോളനിയാണ് ഈ സംവിധാനകൂട്ടുകെട്ടിലെ അവസാന സിനിമ.



ദിലീപിനെ നായകനാക്കി സിദ്ദിഖ് കഥയും തിരക്കഥയും സംഭാഷണവും എഴുതി ലാല്‍ സംവിധാനം ചെയ്ത കിങ് ലയര്‍ 2015ല്‍ പുറത്തിറങ്ങിയിരുന്നു. മമ്മൂട്ടി–നയന്‍താര ടീമിന്റെ ഭാസ്കര്‍ ദി റാസ്കലിന് ശേഷം സിദ്ദിഖ് കഥയും തിരക്കഥയും എഴുതി സംവിധാനം ചെയ്യുന്ന ചിത്രമാണ് ഫുക്രി. സിദ്ധിഖ്, ജോജു ജോര്‍ജ്, സാജന്‍ പള്ളുരുത്തി, പ്രയാഗ മാര്‍ട്ടിന്‍, അനു സിതാര എന്നിവരാണ് ഈ മുഴുനീള ഹാസ്യചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.