സഞ്ജയ് ദത്തിന്‍റെ പാര്‍ട്ടി അതിരുകടന്നു: അയല്‍ക്കാരുടെ പരാതി

മുംബൈ: ജയില്‍ വാസത്തിനു ശേഷം സഞ്ജയ്ദത്ത് വീണ്ടും വിവാദത്തിലാവുന്നു. നടന്‍‍ വീട്ടില്‍ നടത്തിയ പാര്‍ട്ടി ശല്യമായെന്ന് അയല്‍ക്കാര്‍ പോലീസില്‍ പരാതിപ്പെട്ടതാണ് പുതിയ വിവാദം. സഞ്ജയ് ദത്തും ഭാര്യ മാന്യതാ ദത്തും സുഹൃത്തുക്കള്‍ക്കായി നല്‍കിയ പാര്‍ട്ടിയാണ് അയല്‍ക്കാര്‍ക്ക് അലോസരമായത്. പോലീസില്‍ പരാതിപ്പെട്ടിട്ടും വെളുപ്പിന് നാലു മണി വരെ പാര്‍ട്ടി തുടര്‍ന്നു എന്നും പരാതിയില്‍ പറയുന്നു.

സഞ്ജയ് ദത്തിന്‍റെ അയല്‍വാസിയായ ഡോ. ഛായ ശുക്ലയും ഭര്‍ത്താവ് ഡോ. അമിതാവ് ശുക്ലയുമാണ് പരാതി നല്‍കിയിരിക്കുന്നത്. വെളുപ്പിന് രണ്ടേകാലായിട്ടും പാര്‍ട്ടി തീരാത്തതിനാലാണ് പോലീസില്‍ പരാതിപ്പെട്ടത്. എന്നാല്‍ നാല് മണിക്കാണ് പോലീസെത്തിയത്.

ജയില്‍വാസത്തിന് മുമ്പും ഇത്തരം ധാരാളം സന്ദര്‍ഭങ്ങള്‍ ഉണ്ടായിട്ടുണ്ടെന്നും ഇനിയും നടപടി എടുത്തില്ലെങ്കില്‍ ശരിയാകില്ലെന്നുമാണ് അയല്‍ക്കാരുടെ നിലപാട്.