തിരിച്ചുവരവിനൊരുങ്ങി 'വന്ദന'ത്തിലെ നടി

ഗാഥയെ ഓര്‍മ്മയില്ലേ... വന്ദനത്തിലെ ഗാഥ... നാഗാര്‍ജുനയോടൊപ്പം ഗീതാജ്ഞലിയില്‍ ഓ പ്രീയാ... പ്രിയാ... എന്ന ഗാനം പാടിയഭിനയിച്ച ഗിരിജയെ ഓര്‍മ്മകാണും. ആ ഗിരിജ ഇന്ന് മറ്റൊരു മേഖലയില്‍ പ്രശസ്തയാണ്. പത്രപ്രവര്‍ത്തകയെന്ന നിലയില്‍. നാഗാര്‍ജുനയോടൊപ്പം മണിരത്‌നത്തിന്റെ സൂപ്പര്‍ ഡ്യൂപ്പര്‍ ഹിറ്റായിരുന്ന ഗീതാഞ്ജലിയില്‍, മോഹന്‍ലാലിനോടൊപ്പം പ്രിയദര്‍ശന്റെ വന്ദനത്തില്‍, പിന്നെ തെലുങ്കു ചിത്രമായ ഹൃദയാഞ്ജലിയില്‍ അവിസ്മരണീയമായ അഭിനയമുഹൂര്‍ത്തങ്ങള്‍ പകര്‍ന്നു നല്‍കി ഗാഥ മടങ്ങി. എടുത്തു പറയാവുന്ന അനേകം അനേകം അവസരങ്ങള്‍ വേണ്ടെന്നു വച്ച് നല്ല പ്രായത്തില്‍ ഇന്ത്യന്‍ സിനിമയിലെ ശ്രദ്ധേയമായ സ്ഥാനം വേണ്ടെന്നു വച്ച ആ കുട്ടിയുടെ പേര് ഗിരിജ ഷെട്ടാര്‍. ലോകമറിയുന്ന എഴുത്തുകാരി, പത്രപ്രവര്‍ത്തക, ബ്ലോഗര്‍. ഇപ്പോളവർ തിരിച്ചുവരവിനൊരുങ്ങുകയാണെന്നാണ് പുതിയ വാർത്ത. ഗീതാ‌ഞ്ജലിയുടെ തുടർച്ചയായി ഒരു സിനിമയുണ്ടാകുകയാണെങ്കിൽ അതിലഭിനയിക്കാൻ താൽപര്യമുണ്ടെന്നാണ് ഈയടുത്ത് ഒരു ദേശീയ മാധ്യമത്തിന് നൽകിയ അഭിമുഖത്തിൽ അവർ പറഞ്ഞത്.

Girija Shettar comeback

Girija Shettar, the actor who rose to fame with her debut movie Geetanjali, talks about her career, life away from films and a sequel to Geetanjali.