9 മണിക്കൂറിൽ രണ്ട് ലക്ഷം കടന്ന് 'ഗോധ' ടീസ‍ർ

'എല്ലാവർക്കും ഒരുപാട് നന്ദി !
ഇനി ആരേലും ധൃതങ്കപുളകിതരാവാൻ ബാക്കി ഉണ്ടെങ്കിൽ അവർക്കു വേണ്ടി ട്രെയ്‌ലർ ലിങ്ക് ഒന്നുകൂടെ പോസ്റ്റ് ചെയ്യുന്നു'...എന്നു പറഞ്ഞ് ഫേസ്ബുക്കിൽ ടൊവീനോ തോമസ് ഗോധയുടെ ടീസർ‍ യൂട്യൂബ് ട്രെൻഡിംഗ് ആയതിന്റെ സന്തോഷം പങ്കുവെച്ചിരിക്കുകയാണ്. ടൊവീനോ കിടിലൻ ഗെറ്റപ്പിലെത്തുന്ന ഗോദയുടെ ടീസര്‍ പുറത്ത് വന്നത് രാവിലെയാണ്. കുഞ്ഞിരാമായണത്തിന് ശേഷം ബേസിൽ ജോസഫ് സംവിധാനം ചെയ്യുന്ന ചിത്രമാണിത്. ടോവിനോ തോമസ്, രഞ്ജി പണിക്കർ,വാമിഖ ഗബ്ബി എന്നിവരുടെ ചിത്രത്തിലെ ഗെറ്റപ്പ് ആണ് ഏവരും കാത്തിരുന്ന ചിത്രത്തിലെ പ്രധാന ആകർഷണം. ഗുസ്തി പശ്ചാത്തലത്തിലാണ് ചിത്രം ഒരുക്കിയിരിക്കുന്നത്. ഒറ്റപ്പാലം, പഴനി, ചണ്ഡീഗഡ്, പട്ട്യാല, ഡൽഹി എന്നിവിടങ്ങളിലായാണ് ചിത്രീകരണം പൂര്‍ത്തിയാക്കിയത്. പഞ്ചാബി നടി വമീഖ ഗബ്ബിയാണ് നായിക.


godha teAaser trending.