ഗോകുൽ സുരേഷ് ചിത്രം 'ഉൾട്ട'യുടെ ട്രെയിലര്‍ നാളെ; പുറത്ത് വിടുന്നത് മോഹൻലാൽ

ഗോകുൽ സുരേഷ് നായകനാകുന്ന 'ഉൾട്ട'യുടെ ട്രെയിലര്‍ നാളെ പുറത്ത് വിടും. മന്ത്രികുമാരന്‍, മേഘസന്ദേശം, ദീപസ്തംഭം മഹാശ്ചര്യം, നാടന്‍ പെണ്ണും നാട്ടുപ്രമാണിയും, അച്ഛനെയാണെനിക്കിഷ്ടം, കോളേജ് കുമാരന്‍, തുടങ്ങിയ ചിത്രങ്ങളുടെ തിരക്കഥയൊരുക്കിയ സുരേഷ് പൊതുവാള്‍ രചനയും സംവിധാനവും നിര്‍വ്വഹിക്കുന്ന ചിത്രമാണ് ഉൾട്ട.

മോഹൻലാലാണ് ട്രെയിലര്‍ പുറത്ത് വിടുക. നാളെ കേരളപ്പിറവി ദിനത്തിൽ വൈകിട്ട് നാലിന് മോഹൻലാൽ തൻ്റെ ഒഫീഷ്യൽ ഫേസ്ബുക്ക് പേജിലൂടെ ട്രെയിലര്‍ പുറത്ത് വിടും.

Also Read: സംയുക്ത പിന്മാറി; മമ്മൂട്ടി ചിത്രത്തില്‍ നിമിഷ സജയന്‍ നായിക!

പ്രയാഗ മാര്‍ട്ടിന്‍, അനുശ്രീ, രമേശ് പിഷാരടി, ജാഫര്‍ ഇടുക്കി, തെസ്‌നി ഖാന്‍, സുരഭി, സുബി സുധീഷ്, മഞ്ജു പത്രോസ് തുടങ്ങിയവരും ചിത്രത്തിൻ്റെ ഭാഗമായുണ്ട്. ചിരി നേരെ എന്ന ടാഗ്‍ലൈനോടെയാണ് ഉൾട്ട ഒരുങ്ങുന്നത്.

Also Read: ആംസ്റ്റര്‍ഡാമിലെ ചിത്രങ്ങൾ പങ്കുവെച്ച് പിഷാരടി; ഡയലോഗാണ് കിടിലൻ!

ഒരു മെക്സിക്കന്‍ അപാരതയുടെ ഛായാഗ്രഹകനായ പ്രകാശ് വേലായുധനാണ് ഉള്‍ട്ടയ്ക്ക് വേണ്ടി ക്യാമറ കൈകാര്യം ചെയ്യുന്നത്. സുരേഷ് പൊതുവാൾ ആദ്യമായി സംവിധാനം ചെയ്യുന്ന ചിത്രം കൂടിയാണിത്. ഷമീര്‍ മുഹമ്മദാണ് ചിത്രം എഡിറ്റ് ചെയ്യുന്നത്.