'ഗൂഢാലോചന'യിലെ കുട്ടിക്കളികളുമായി മോക്ക് ടീസറെത്തി

ചിത്രീകരണം പുരോഗമിക്കുന്ന ഗൂഢാലോചനയിലെ മോക്ക് ടീസറെത്തി. നാൽപ്പത് ദിവസത്തെ രസകരമായ സംഭവങ്ങൾ കോര്‍ത്തിണക്കിയാണ് മോക്ക് ടീസര്‍ പുറത്ത് വിട്ടിരിക്കുന്നത്. നടൻ ധ്യാൻ ശ്രീനിവാസൻ എഴുത്തുകാരനാകുന്ന ആദ്യ ചിത്രമാണ് ’ഗൂഢാലോചന’. കോഴിക്കോട് ബീച്ചിലും പരിസരത്തുമായാണ് ചിത്രീകരണം പുരോഗമിക്കുന്നത്.




ചിത്രത്തിലെ നായകൻ ധ്യാൻ ആണെങ്കിലും ടീസറിലെ താരം അജു വര്‍ഗ്ഗീസാണ്. ചിത്രത്തിലെ സാൾട്ട് ആൻഡ് പെപ്പർ ലുക്കിലുള്ള അജുവിന്‍റെ മേക്ക് ഓവർ ഏറെ ശ്രദ്ധ ആകര്‍ഷിച്ചിരുന്നു. തോമസ് സെബാസ്റ്റ്യൻ ആണ് ചിത്രം സംവിധാനം ചെയ്യുന്നത്. നിരഞ്ജനയാണ് ചിത്രത്തിലെ നായിക. ശ്രീനാഥ് ഭാസിയും ചിത്രത്തിൽ ഒരു സുപ്രധാന വേഷം കൈകാര്യം ചെയ്യുന്നുണ്ട്. ഇസാൻ പിക്ചേഴ്സിന്‍റെ ബാനറിൽ അജാസാണ് ചിത്രം നിര്‍മിക്കുന്നത്. നവമ്പറിൽ ചിത്രം തീയ്യേറ്ററുകളിലെത്തും.

Goodalochana Movie Mock Teaser is out

Aju varghese Dhyan team's Goodalochana Movie Mock Teaser is out
with story of 40 days shooting