Also Read: നാടന്‍ പ്രേമത്തിന്റെ സൗന്ദര്യവുമായി 'പെയ്യും നിലാവ്'; മണിയറയിലെ അശോകനിലെ പുതിയ ഗാനം
റിലീസ് പ്രഖ്യാപിച്ച് നെറ്റ്ഫ്ലിക്സ്
ഒടിടി പ്ലാറ്റ്ഫോമായ നെറ്റ്ഫ്ലിക്സിലൂടെയാകും മണിയറയിലെ അശോകന്‍ പ്രേക്ഷകരുടെ മുന്നിലേക്ക് എത്തുക. ഓഗസ്റ്റ് 31 ന് തിരുവോണത്തിനായിരിക്കും ചിത്രം റിലീസ് ചെയ്യുക. നെറ്റ്ഫ്ലിക്സാണ് റിലീസ് തിയ്യതി ഔദ്യോഗികമായി പ്രഖ്യാപിച്ചത്.
അശോകന്റെ പ്രണയം
ദുല്‍ഖറും ഗ്രിഗറിയും ചേര്‍ന്ന് നിർമ്മിക്കുന്ന ചിത്രം സംവിധാനം ചെയ്യുന്നത് നവാഗതനായ ഷംസു സൈബയാണ്. നാട്ടിൻപുറത്തുകാരനായ അശോകന്റെ പ്രണയവും വിവാഹവും ആദ്യരാത്രിയുമൊക്കെയാണ് പേരു സൂചിപ്പിക്കുന്നത് പോലെ തന്നെ സിനിമയുടെ ഇതിവൃത്തം. ശ്യാമ എന്ന കഥാപാത്രത്തെയാണ് അനുപമ അവതരിപ്പിക്കുന്നത്.
ഹിറ്റായി 'ഉണ്ണിമായ'
സുധീഷ്, ശ്രീലക്ഷ്മി, നയന, വിജയരാഘവൻ, ഇന്ദ്രൻസ്, ശ്രിത ശിവദാസ് എന്നിവരാണ് ചിത്രത്തിലെ മറ്റു അഭിനേതാക്കളായി എത്തുന്നത്. ചിത്രത്തിനായി ദുൽഖർ ആലപിച്ച 'മൊഞ്ചത്തിപ്പെണ്ണേ ഉണ്ണിമായേ....' എന്ന് തുടങ്ങുന്ന ഗാനം ദുൽഖറിൻ്റെ പിറന്നാൾ ദിനത്തിൽ പുറത്തു വിട്ടിരുന്നു. ഈ ഗാനം ആരാധകർ സ്വീകരിച്ചത് ഇരുകൈയ്യും നീട്ടിയായിരുന്നു.
മനസ് കുളിർപ്പിച്ച് പെയ്യും നിലാവ്
ചിത്രത്തിലെ പെയ്യും നിലാവ് എന്ന മനോഹരമായ ഗാനം ഇന്നലെ പുറത്തിറക്കിയിരുന്നു. അനശ്വരയും ഗ്രിഗറിയുമാണ് ഗാനത്തിലുള്ളത്. ഇരുവരുടേയും മനോഹരമായ പ്രണയമാണ് ഗാനത്തില്‍ അവതരിപ്പിക്കുന്നത്. നാട്ടിന്‍ പുറത്തിന്റെ ഭംഗിയും ഇരുവര്‍ക്കുമിടയിലെ പ്രണയത്തിന്റെ സൗന്ദര്യവുമെല്ലാം പാട്ടിലൂടെ വരച്ചിടുകയാണ്.