പ്രണയാതുരരായി അനുപമയും ഗ്രിഗറിയും; 'മണിയറയിലെ അശോകൻ' ഫസ്റ്റ്‍ലുക്ക്

ജേക്കബ് ഗ്രിഗറി ആദ്യമായി നായകനായെത്തുന്ന 'മണിയറയിലെ അശോകൻ' എന്ന സിനിമയുടെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. ചിത്രത്തിന്‍റെ നിര്‍മ്മാതാവ് കൂടിയായ ദുൽഖര്‍ സൽമാൻ തന്‍റെ ഓദ്യോഗിക ഫേസ്ബുക്ക് പേജിലൂടെയാണ് പോസ്റ്റര്‍ പുറത്തുവിട്ടിരിക്കുന്നത്.

Also Read:ചുണ്ടിൽ തത്തും കവിതേ...; 'ബിഗ് ബ്രദറി'ലെ ആദ്യ വീഡിയോ ഗാനം

നിര്‍മ്മാതാവായെത്തുന്നതിലുള്ള കൗതുകവും സന്തോഷവും പങ്കുവെച്ചുകൊണ്ടാണ് ദുൽഖര്‍ പോസ്റ്റര്‍ അനാവരണം ചെയ്തിരിക്കുന്നത്. സ്വീറ്റ് ലിറ്റിൽ ലവ് സ്റ്റോറി എന്നുപറഞ്ഞാണ് പോസ്റ്റര്‍ താരം പങ്കുവെച്ചിരിക്കുന്നത്. നാട്ടിൻപുറത്തുകാരനായ അശോകൻ എന്നൊരു സാധാരണക്കാരന്‍റെ സസ്പെൻസുകള്‍ നിറഞ്ഞ പ്രണയവും കല്യാണവും ആദ്യരാത്രിയുമെല്ലാം കഥാതന്തുവാകുന്ന ചിത്രത്തിൽ ശ്യാമ എന്ന കഥാപാത്രമായെത്തുന്ന അനുപമ പരമേശ്വരനോടൊപ്പമുള്ള പ്രണയനിമിഷമാണ് പോസ്റ്ററിലുള്ളത്. ഗ്രിഗറിയാണ് അശോകനായെത്തിയിരിക്കുന്നത്.

നാട്ടുപച്ചപ്പിന്‍റെ ഗൃഹാതുരതയുണര്‍ത്തുന്നതാണ് പോസ്റ്റര്‍. വിഷ്ണു നാരായണനാണ് പോസ്റ്റര്‍ ഡിസൈൻ ചെയ്തിരിക്കുന്നത്. ശുഹൈബ് എസ്.ബി.കെയാണ് ചിത്രം പകര്‍ത്തിയിരിക്കുന്നത്. വേ ഫെയര്‍ ഫിലിംസിന്‍റെ ബാനറിൽ ദുൽഖര്‍ സൽമാൻ നിര്‍മ്മിച്ചിരിക്കുന്ന മണിയറയിലെ അശോകന്‍റെ സംവിധാനം നിര്‍വ്വഹിച്ചിരിക്കുന്നത് നവഗാതനായ ഷംസു സയ്ബ ആണ്.



Also Read: ദുൽഖര്‍-അനൂപ് സത്യൻ ചിത്രത്തിന് പേരിട്ടു; 'വരനെ ആവശ്യമുണ്ട്'

വിനീത് കൃഷ്ണൻ തിരക്കഥയൊരുക്കി സജാദ് കാക്കു ഛായാഗ്രഹണം ചെയ്തിരിക്കുന്ന ചിത്രത്തിന്‍റെ എഡിറ്റിങ് അപ്പു എൻ ഭട്ടതിരിയും സംഗീതം ശ്രീഹരി കെ.നായരുമാണ് ഒരുക്കിയിരിക്കുന്നത്. ഷൈൻ ടോം ചാക്കോ, കൃഷ്ണശങ്കര്‍, വിജയരാഘവൻ, ഇന്ദ്രൻസ്, സുധീഷ്, ശ്രീലക്ഷ്മി, നയന, ശ്രിത ശിവദാസ് തുടങ്ങി വലിയൊരു താരനിര തന്നെയാണ് ചിത്രത്തിൽ അണിനിരക്കുന്നത്. അരുൺ എസ്.മണി, വിഷ്ണു പി.സി എന്നിവര്‍ സൗണ്ട് ഡിസൈനും ജയൻ ക്രയോൺ പ്രൊഡക്ഷൻ ഡിസൈനറുമായ ചിത്രത്തിന്‍റെ റിലീസ് ഡേറ്റ് പ്രഖ്യാപിച്ചിട്ടില്ല.

Also Watch :