'കരിക്ക്' ടീമിനോടൊപ്പം ബേസിൽ ജോസഫ്; പുതിയ എപ്പിസോഡിൽ കരിക്ക് ബോയ്‌സിനോടൊപ്പം താനുമുണ്ടെന്ന് ബേസിൽ

കുഞ്ഞിരാമായണം, ഗോദ, മിന്നൽ മുരളി എന്നീ മൂന്ന് സിനിമകൾ കൊണ്ടു തന്നെ ശ്രദ്ധ നേടിയ സംവിധായകനാണ് ബേസിൽ ജോസഫ്. കൂടാതെ നിരവധി സിനിമകളിൽ ബേസിൽ അഭിനയിച്ചിട്ടുമുണ്ട്. ജോജിയിലെയും ജാൻഎമന്നിലേയും കഥാപാത്രങ്ങൾ ശ്രദ്ധേയമായിരുന്നു. ഇപ്പോഴിതാ പുതിയൊരു അപ്ഡേറ്റുമായി സോഷ്യൽമീഡിയയിൽ എത്തിയിരിക്കുകയാണ് ബേസിൽ ജോസഫ്.

സോഷ്യൽമീഡിയ ലോകത്തെ വൈറൽ താരങ്ങളായ കരിക്ക് ടീമിനോടൊപ്പം പുതിയ എപ്പിസോഡിൽ താനുമുണ്ടാകുമെന്നാണ് ബേസിൽ അറിയിച്ചിരിക്കുന്നത്. തന്‍റെ പുതിയ സിനിമയായ പാൽതു ജാൻവറിന്‍റെ പ്രൊമോഷന്‍റെ ഭാഗമായിട്ടാണിതെന്നാണ് സൂചന.

കുമ്പളങ്ങി നെെറ്റ്സ്, ജോജി എന്നീ ചിത്രങ്ങൾക്ക് ശേഷം ഭാവന സ്റ്റുഡിയോസിന്‍റെ ബാനറിൽ ദിലീഷ് പോത്തൻ, ശ്യാം പുഷ്ക്കരൻ, ഫഹദ് ഫാസിൽ എന്നിവർ ചേർന്ന് നിർമ്മിക്കുന്ന പാൽതു ജാൻവര്‍ റിലീസിനായി ഒരുങ്ങുകയാണ്. ലൈവ്സ്റ്റോക്ക് ഇൻസ്‌പെക്ടർ ആയൊരു ഗ്രാമത്തിലേക്ക് എത്തുന്ന പ്രസൂൽ എന്ന ചെറുപ്പക്കാരൻ ആയാണ് ബേസിൽ ജോസഫ് സിനിമയിൽ എത്തുന്നത്. നവാഗതനായ സംഗീത് പി രാജൻ സംവിധാനം ചെയ്യുന്ന ചിത്രം ഓണ അവധിക്ക് തീയേറ്ററുകളിൽ എത്തും.

Also Read: 'അവരുടെ കുടുംബത്തിൽ ഡോക്ടർ ഒന്നും ഉണ്ടാകാൻ പോകുന്നില്ല'; കുടുംബത്തെ നോക്കി പരിഹസിച്ച നിരവധി മുഖങ്ങളുണ്ട്, ഡോക്ടറായ സഹോദരിയെ കുറിച്ചുള്ള യുവ സംഗീത സംവിധായകൻ്റെ കുറിപ്പ് വൈറലാകുന്നു

ബേസിൽ ജോസഫിന് പുറമെ ഇന്ദ്രൻസ്, ജോണി ആന്റണി, ദിലീഷ് പോത്തൻ, ഷമ്മി തിലകൻ, ശ്രുതി സുരേഷ്, ജയകുറുപ്പ്, ആതിര ഹരികുമാർ, തങ്കം മോഹൻ, സ്റ്റെഫി സണ്ണി, വിജയകുമാർ, കിരൺ പീതാംബരൻ, സിബി തോമസ്, ജോജി ജോൺ എന്നിവരും ചിത്രത്തിൽ അഭിനയിക്കുന്നുണ്ട്. സംഗീതം ഒരുക്കിയത് ജസ്റ്റിൻ വർഗീസ്. വിനോയ് തോമസ്, അനീഷ് അഞ്ജലി എന്നിവരാണ് സിനിമയുടെ രചന. ഡി.ഒ.പി രൺദീവെ ആർട് ഗോകുൽ ദാസ്, എഡിറ്റിംഗ് കിരൺ ദാസ്, കോസ്റ്റ്യൂം മസ്ഹർ ഹംസ, മേക്കപ്പ് റോണക്സ് സേവ്യർ, സൗണ്ട് നിതിൻ ലൂക്കോസ്, പ്രൊഡക്ഷൻ കൺട്രോളർ ബിനു മനമ്പൂർ, വിഷ്വൽ എഫക്ട് എഗ് വെെറ്റ് വി.എഫ്.എക്സ്, ടെെറ്റിൽ എൽവിൻ ചാർളി, സ്റ്റിൽസ് ഷിജിൻ പി രാജ്, എക്സിക്യൂടീവ് പ്രൊഡ്യൂസർ ബെന്നി കട്ടപ്പന, ജോസ് വിജയ്, ചീഫ് അസോസിയേറ്റ് രോഹിത് ചന്ദ്രശേഖർ, പി.ആർ.ഒ ആതിര ദിൽജിത്ത്.

Also Watch :