പ്രണയദിനാശംസകളുമായി കേശുവേട്ടനും രത്നമ്മ ചേച്ചിയും!

ദിലീപും ഉര്‍വശിയും ആദ്യമായി ഭാര്യ ഭര്‍ത്താക്കന്മാരായി അഭിനയിക്കുന്ന ചിത്രമാണ് 'കേശു ഈ വീടിന്‍റെ നാഥന്‍', സിനിമയുടെ വാലന്‍റൈൻസ് ദിന കിടിലന്‍ പോസ്റ്ററാണ് ഇപ്പോൾ പുറത്തിറക്കിയിരിക്കുന്നത്.

ഇരുവരും സിനിമയില്‍ 33-ാം വിവാഹവാര്‍ഷികം ആഘോഷിക്കുന്ന ചിത്രത്തിനൊപ്പം പ്രണയദിന ആശംസകളും നേര്‍ന്നുകൊണ്ടുള്ള പോസ്റ്റര്‍ ആണ് പുറത്തുവന്നിരിക്കുന്നത്

നാദിര്‍ഷ സംവിധാനം ചെയ്യുന്ന ചിത്രത്തിനായി തിരക്കഥ ഒരുക്കുന്നത് തൊണ്ടിമുതലും ദൃക്സാക്ഷിയും, സത്യം പറഞ്ഞാ വിശ്വസിക്കുവോ തുടങ്ങിയ സജീവ് പാഴൂരാണ്. അറുപത് വയസുകാരന്‍റെ ഗെറ്റപ്പിലാണ് ചിത്രത്തില്‍ ദിലീപ്

ദിലീപും ഉർവശിയും പ്രധാന കഥാപാത്രങ്ങളായെത്തുന്ന ചിത്രത്തിൽ ഇവരുടെ മക്കളായി നെസ്ലനും വൈഷ്ണയുമാണ് എത്തുന്നത്.