'പട്ടാഭിരാമന്‍' സിനിമ ഇഷ്ടപ്പെട്ടില്ലെങ്കില്‍ കാശ് തിരിച്ച്‌ തരും: ഹരീഷ് കണാരന്‍

ജയറാം-കണ്ണൻ താമരക്കുളം ചിത്രം 'പട്ടാഭിരാമന്‍' ഇന്ന് തിയേറ്ററുകളിൽ എത്തിയിരിക്കുകയാണ്. ചിത്രവുമായി ബന്ധപ്പെട്ട് സിനിമയുടെ അണിയറ പ്രവര്‍ത്തകര്‍ പുറത്തുവിട്ട ഒരു വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. മലയാള സിനിമയിലെ ഹാസ്യ സാമ്രാട്ടുകളായ ബൈജു സന്തോഷും ഹരീഷ് കണാരനുമാണ് വീഡിയോയിൽ ഉള്ളത്.

Also Read: പട്ടാഭിരാമന്‍റെ വിശേഷങ്ങളുമായി താരങ്ങള്‍

പട്ടാഭിരാമൻ സിനിമ പ്രേക്ഷകര്‍ക്ക് ഇഷ്ടപ്പെട്ടില്ലെങ്കില്‍ ടിക്കറ്റ് കാശ് തിരിച്ചുതരുമെന്നാണ് വീഡിയോയിൽ ഹരീഷ് കണാരന്‍ പറയുന്നത്. ചിത്രത്തിന്‍റെ ഔദ്യോഗിക ഫേസ്ബുക്ക് പേജില്‍ നിന്നുമാണ് വീഡിയോ പുറത്തുവിട്ടിരിക്കുന്നത്.

Also Read: ത്രില്ലറും കോമഡിയും സമാസമം; ജയറാമിന്‍റെ 'പട്ടാഭിരാമൻ' ട്രെയിലർ‍

നടന്‍ ബൈജുവും നടന്‍ ഹരീഷ് കണാകരനും സിനിമയെ പറ്റി സംസാരിക്കുന്നതാണ് വീഡിയോയിലുള്ളത്. ചിത്രത്തെക്കുറിച്ച്‌ ഹരീഷിന് എന്താണ് പറയാനുള്ളത് എന്താണെന്ന് ബൈജു ആദ്യം ചോദിച്ചപ്പോള്‍ സിനിമ പ്രേക്ഷകര്‍ക്ക് നൂറ് ശതമാനം ഇഷ്ടപ്പെടുമെന്നായിരുന്നു ഹരീഷ് പറഞ്ഞത്. ഇഷ്ടപ്പെട്ടില്ലെങ്കില്‍ ഹരീഷ് കാശ് തിരിച്ചുകൊടുക്കുമോ എന്നായി ബൈജുവിന്‍റെ അടുത്ത ചോദ്യം.

അങ്ങനെയൊന്നും പറയാന്‍ പറ്റില്ലെന്നായിരുന്നു ഹരീഷ് അപ്പോള്‍ പറഞ്ഞത്. സിനിമ പ്രേക്ഷകര്‍ക്ക് ഇഷ്ടപ്പെടുമെന്ന് ഹരീഷിന് ഉറപ്പുണ്ടെങ്കില്‍ കാശ് തിരിച്ചു നല്‍കുമോയെന്നായി ബൈജുവിന്‍റെ അടുത്തചോദ്യം. എന്നാൽ കാശ് തരാമെന്ന് ഹരീഷ് പറയുകയായിരുന്നു.

Also Read: ചിരിയുടെ രുചിക്കൂട്ടുമായി ജയറാമിന്‍റെ 'പട്ടാഭിരാമൻ'

ആരെങ്കിലും സിനിമ ഇഷ്ടപ്പെട്ടിട്ട് സിനിമ ഇഷ്ടപ്പെട്ടില്ല എന്നു പറഞ്ഞ് ഹരീഷിനോട് കാശ് വാങ്ങാൻ നോക്കരുതെന്നും ബൈജു പറയുന്നുണ്ട്. അതിനും മാത്രം പൈസയൊന്നും എന്‍റെ കൈയ്യിലില്ലേ എന്നാണ് അപ്പോള്‍ ഹരീഷ് പറയുന്നത്. ചിത്രം തിയറ്ററുകളിൽ സമ്മിശ്രപ്രതികരണം നേടി മുന്നേറുകയാണ്.