മലയാളികളുടെ പ്രിയ ഹാസ്യതാരം ഹരീഷ് കണാരൻ പുതിയ വേഷത്തിൽ പ്രേക്ഷകര്ക്ക് മുന്നിലേക്കെത്തുന്നു. മാര്ഗ്ഗം കളി എന്ന പുതിയ ചിത്രത്തിലൂടെയാണ് ഹരീഷ് കണാരൻ്റെ പുതിയ വേഷപ്പകര്ച്ച. സദാസമയവും ടിക് ടോക് വീഡിയോകൾ ചെയ്യുന്ന ടിക് ടോക് ഉണ്ണി എന്ന കഥാപാത്രമായാണ് ഹരീഷ് കണാരൻ ചിത്രത്തിൽ പ്രത്യക്ഷപ്പെടുന്നത്. ചിത്രത്തിൻ്റെ ആദ്യ ക്യാരക്ടര് ടീസര് കഴിഞ്ഞദിവസം പുറത്ത് വിട്ടു. ശ്രീജിത്ത് വിജയനാണ് ചിത്രം സംവിധാനം ചെയുന്നത്. കുട്ടനാടന് മാര്പാപ്പക്ക് ശേഷം ശ്രീജിത്ത് വിജയന് സംവിധാനം ചെയുന്ന പുതിയ ചിത്രമാണിത്. ചിത്രത്തിൽ ബിബിൻ ജോർജ്ജാണ് നായകനാകുന്നത്. 'ഒരു പഴയ ബോംബ് കഥ' എന്ന സൂപ്പര്ഹിറ്റ് ചിത്രത്തിന് ശേഷം ബിബിന് വീണ്ടും നായകനായി എത്തുന്ന ചിത്രമാണിത്.
ബിബിനോടൊപ്പം സദാസമയവുമുള്ള കഥാപാത്രമായാണ് ഹരീഷ് കണാരൻ എത്തുന്നത്. സാധാരണക്കാര്ക്കിടയിൽ തരംഗമാകുന്ന ടിക്ക് ടോക്ക് എന്ന അപ്ലിക്കേഷനിലൂടെ കേരളക്കരയെ കയ്യിലെടുത്ത ഫുക്രു എന്ന താരത്തെ ഓർമിപ്പിക്കും വിധമാണ് ടിക്ക് ടോക്ക് ഉണ്ണി ചിത്രത്തിലെത്തുന്നതെന്ന് അണിയറപ്രവര്ത്തകര് അറിയിക്കുന്നു.
മലയാള സിനിമ ചരിത്രത്തിൽ ആദ്യമെന്ന ഖ്യാതിയോടെയാണ് സിനിമയുടെ ക്യാരക്ടർ ടീസർ പുറത്തു വന്നിട്ടുള്ളത്. മാര്ഗ്ഗംകളിയിൽ ടിക് ടോക് ഉണ്ണി ഇതുവരെ കാണാത്ത ഒരുതരത്തിലുള്ള കഥാപാത്രമായാണ് എത്തുന്നതെന്നും അണിയറപ്രവര്ത്തകര് അവകാശപ്പെടുന്നു. ചിത്രത്തില് നമിത പ്രമോദ്, സൗമ്യ, 96 ഫെയിം ഗൗരി കിഷന് എന്നിവരാണ് നായികമാരായി എത്തുന്നത്.
മിമിക്രി താരവും നടനുമായ ശശാങ്കനാണ് ഈ ചിത്രത്തിന് കഥയും തിരക്കഥയും ഒരുക്കിയിട്ടുള്ളത്. തികച്ചും കോമഡി എൻ്റര്ടെയ്നര് ആയാണ് ചിത്രം ഒരുക്കുന്നത്. ലിസ്റ്റിന് സ്റ്റീഫനും ആല്വിന് ആൻ്റണിയും ചേര്ന്നാണ് ചിത്രം നിര്മ്മിക്കുന്നത്. ചിത്രത്തിൻ്റെ പേര് പോലെ തന്നെ ഒരു മാര്ഗവും കിട്ടാതെ വരുമ്പോള് ബിബിനും കൂട്ടരും കളിക്കുന്ന കാട്ടിക്കൂട്ടലുകളും അവര് നേരിടുന്ന പ്രശ്നങ്ങളുമാണ് ചിത്രം പറയുന്നതെന്നാണ് വിവരം.
Read More: 'സത്യം പറഞ്ഞാ വിശ്വസിക്കുവോ'; 'വിശ്വസിക്കാം'!, 'വിശ്വസിക്കണം'! ചിത്രത്തെ പാടിപ്പുകഴ്ത്തി സിനിമാ ലോകം
വളരെ രസകരമായി കഥ പറയുന്ന ഈ കൊച്ചു ചിത്രത്തിൽ ബൈജു സന്തോഷ്, ഹരീഷ് കണാരന്, ധര്മജന്, സിദ്ദിഖ്, ശാന്തി കൃഷ്ണ, സുരഭി സന്തോഷ്, ബിനു തൃക്കാക്കര എന്നിവരാണ് മറ്റു പ്രധാന വേഷങ്ങൾ കൈകാര്യം ചെയ്യുന്നത്. ഹരി നാരായണൻ്റെ വരികള്ക്ക് ഗോപി സുന്ദര് ഈണം പകരുന്നു. അരവിന്ദ് കൃഷ്ണയാണ് ചിത്രത്തിൻ്റെ ക്യാമറ കൈകാര്യം ചെയ്യുന്നത്.
ചിത്രത്തിലെ കഥാപാത്രങ്ങളെല്ലാം പിന്നാലെ പുറത്ത് വരും. ഇപ്പോൾ സോഷ്യൽ മീഡിയയിൽ വൈറലായ ഫേസ് ആപ്പ് ചാലഞ്ചിലൂടെ ചിത്രത്തിലെ കഥാപാത്രങ്ങളുടെയെല്ലാം പ്രായമായ ലുക്കുൾപ്പെടുന്ന പുതിയ പോസ്റ്ററും അണിയറപ്രവര്ത്തകര് ഇപ്പോൾ പങ്കുവെച്ചിട്ടുണ്ട്.
Read More: ഒറ്റരാത്രികൊണ്ട് താരങ്ങൾക്കെല്ലാം വയസ്സായി; ചിത്രങ്ങൾ കണ്ട് ഞെട്ടി സോഷ്യൽമീഡിയ
കസ്തൂരിമാൻ എന്ന സീരിയലിലൂടെ ശ്രദ്ധേയയായ റബേക്കയെ വിവാഹം ചെയ്യാൻ ഒരുങ്ങുകയാണ് മാര്ഗ്ഗംകളിയുടെ സംവിധായകൻ ശ്രീജിത്ത്. ഇത് സംബന്ധിച്ച വാര്ത്തകളൊക്കെ മുൻപ് പുറത്ത് വന്നിരുന്നു. കസ്തൂരിമാനിലെ ബോള്ഡായ വക്കീല് കാവ്യയ്ക്ക് ജീവന് പകരുന്നത് റബേക്കയാണ്. റബേക്ക തൻ്റെ സഹോദരിയുടെ കുഞ്ഞിൻ്റെ ചടങ്ങിൽ വെച്ച് ശ്രീജിത്തുമായി പകർത്തിയ ചിത്രവും സോഷ്യൽ മീഡിയയിൽ പങ്കുവെച്ച് തൻ്റെ ഭാവി വരനാണ് എന്ന് ആരാധകരെ അറിയിച്ചിരുന്നു. 'ഒരാള് എനിക്ക് ജീവന് നല്കി. മറ്റൊരാള് എന്നെ ഞാനാക്കി മാറ്റി. ഇതില് കൂടുതല് എന്താണ് ഞാന് ദൈവത്തോട് ചോദിക്കേണ്ടത്' എന്ന കുറിപ്പോടെയായിരുന്നു റബേക്ക ചിത്രം പങ്കുവെച്ചിരുന്നത്. നാലു വര്ഷമായി ഇരുവരും പ്രണയത്തിലാണെന്നും മിഴി രണ്ടിലും എന്ന സീരിയൽ വര്ക്കിനിടെയാണ് പരസ്പരം പരിചയപ്പെടുന്നതെന്നും റബേക്ക പറഞ്ഞിരുന്നു.
ബിബിനോടൊപ്പം സദാസമയവുമുള്ള കഥാപാത്രമായാണ് ഹരീഷ് കണാരൻ എത്തുന്നത്. സാധാരണക്കാര്ക്കിടയിൽ തരംഗമാകുന്ന ടിക്ക് ടോക്ക് എന്ന അപ്ലിക്കേഷനിലൂടെ കേരളക്കരയെ കയ്യിലെടുത്ത ഫുക്രു എന്ന താരത്തെ ഓർമിപ്പിക്കും വിധമാണ് ടിക്ക് ടോക്ക് ഉണ്ണി ചിത്രത്തിലെത്തുന്നതെന്ന് അണിയറപ്രവര്ത്തകര് അറിയിക്കുന്നു.
മലയാള സിനിമ ചരിത്രത്തിൽ ആദ്യമെന്ന ഖ്യാതിയോടെയാണ് സിനിമയുടെ ക്യാരക്ടർ ടീസർ പുറത്തു വന്നിട്ടുള്ളത്. മാര്ഗ്ഗംകളിയിൽ ടിക് ടോക് ഉണ്ണി ഇതുവരെ കാണാത്ത ഒരുതരത്തിലുള്ള കഥാപാത്രമായാണ് എത്തുന്നതെന്നും അണിയറപ്രവര്ത്തകര് അവകാശപ്പെടുന്നു. ചിത്രത്തില് നമിത പ്രമോദ്, സൗമ്യ, 96 ഫെയിം ഗൗരി കിഷന് എന്നിവരാണ് നായികമാരായി എത്തുന്നത്.
മിമിക്രി താരവും നടനുമായ ശശാങ്കനാണ് ഈ ചിത്രത്തിന് കഥയും തിരക്കഥയും ഒരുക്കിയിട്ടുള്ളത്. തികച്ചും കോമഡി എൻ്റര്ടെയ്നര് ആയാണ് ചിത്രം ഒരുക്കുന്നത്. ലിസ്റ്റിന് സ്റ്റീഫനും ആല്വിന് ആൻ്റണിയും ചേര്ന്നാണ് ചിത്രം നിര്മ്മിക്കുന്നത്. ചിത്രത്തിൻ്റെ പേര് പോലെ തന്നെ ഒരു മാര്ഗവും കിട്ടാതെ വരുമ്പോള് ബിബിനും കൂട്ടരും കളിക്കുന്ന കാട്ടിക്കൂട്ടലുകളും അവര് നേരിടുന്ന പ്രശ്നങ്ങളുമാണ് ചിത്രം പറയുന്നതെന്നാണ് വിവരം.
Read More: 'സത്യം പറഞ്ഞാ വിശ്വസിക്കുവോ'; 'വിശ്വസിക്കാം'!, 'വിശ്വസിക്കണം'! ചിത്രത്തെ പാടിപ്പുകഴ്ത്തി സിനിമാ ലോകം
വളരെ രസകരമായി കഥ പറയുന്ന ഈ കൊച്ചു ചിത്രത്തിൽ ബൈജു സന്തോഷ്, ഹരീഷ് കണാരന്, ധര്മജന്, സിദ്ദിഖ്, ശാന്തി കൃഷ്ണ, സുരഭി സന്തോഷ്, ബിനു തൃക്കാക്കര എന്നിവരാണ് മറ്റു പ്രധാന വേഷങ്ങൾ കൈകാര്യം ചെയ്യുന്നത്. ഹരി നാരായണൻ്റെ വരികള്ക്ക് ഗോപി സുന്ദര് ഈണം പകരുന്നു. അരവിന്ദ് കൃഷ്ണയാണ് ചിത്രത്തിൻ്റെ ക്യാമറ കൈകാര്യം ചെയ്യുന്നത്.
ചിത്രത്തിലെ കഥാപാത്രങ്ങളെല്ലാം പിന്നാലെ പുറത്ത് വരും. ഇപ്പോൾ സോഷ്യൽ മീഡിയയിൽ വൈറലായ ഫേസ് ആപ്പ് ചാലഞ്ചിലൂടെ ചിത്രത്തിലെ കഥാപാത്രങ്ങളുടെയെല്ലാം പ്രായമായ ലുക്കുൾപ്പെടുന്ന പുതിയ പോസ്റ്ററും അണിയറപ്രവര്ത്തകര് ഇപ്പോൾ പങ്കുവെച്ചിട്ടുണ്ട്.
Read More: ഒറ്റരാത്രികൊണ്ട് താരങ്ങൾക്കെല്ലാം വയസ്സായി; ചിത്രങ്ങൾ കണ്ട് ഞെട്ടി സോഷ്യൽമീഡിയ
കസ്തൂരിമാൻ എന്ന സീരിയലിലൂടെ ശ്രദ്ധേയയായ റബേക്കയെ വിവാഹം ചെയ്യാൻ ഒരുങ്ങുകയാണ് മാര്ഗ്ഗംകളിയുടെ സംവിധായകൻ ശ്രീജിത്ത്. ഇത് സംബന്ധിച്ച വാര്ത്തകളൊക്കെ മുൻപ് പുറത്ത് വന്നിരുന്നു. കസ്തൂരിമാനിലെ ബോള്ഡായ വക്കീല് കാവ്യയ്ക്ക് ജീവന് പകരുന്നത് റബേക്കയാണ്. റബേക്ക തൻ്റെ സഹോദരിയുടെ കുഞ്ഞിൻ്റെ ചടങ്ങിൽ വെച്ച് ശ്രീജിത്തുമായി പകർത്തിയ ചിത്രവും സോഷ്യൽ മീഡിയയിൽ പങ്കുവെച്ച് തൻ്റെ ഭാവി വരനാണ് എന്ന് ആരാധകരെ അറിയിച്ചിരുന്നു. 'ഒരാള് എനിക്ക് ജീവന് നല്കി. മറ്റൊരാള് എന്നെ ഞാനാക്കി മാറ്റി. ഇതില് കൂടുതല് എന്താണ് ഞാന് ദൈവത്തോട് ചോദിക്കേണ്ടത്' എന്ന കുറിപ്പോടെയായിരുന്നു റബേക്ക ചിത്രം പങ്കുവെച്ചിരുന്നത്. നാലു വര്ഷമായി ഇരുവരും പ്രണയത്തിലാണെന്നും മിഴി രണ്ടിലും എന്ന സീരിയൽ വര്ക്കിനിടെയാണ് പരസ്പരം പരിചയപ്പെടുന്നതെന്നും റബേക്ക പറഞ്ഞിരുന്നു.