നാളുകളായി തുടരുന്ന വിവാദങ്ങള്‍ക്ക് അവസാനമാകുന്നു. പൃഥ്വിരാജ് ചിത്രം കടുവയും സുരേഷ് ഗോപിയുടെ 250-ാം സിനിമയും തമ്മില്‍ നടന്നു കൊണ്ടിരുന്ന നിയമപോരാട്ടത്തില്‍ അന്തിമ തീരുമാനം എത്തിയിരിക്കുകയാണ്. ജില്ലാ കോടതിയുടെ വിധി ശരിവച്ച് ഹെെക്കോടതി. സുരേഷ് ഗോപിയുടെ ചിത്രത്തിന്റെ വിലക്ക് ഹെെക്കോടതി ശരിവെക്കുകയായിരുന്നു. പൃഥ്വിരാജ് ചിത്രത്തിന്റെ പേരോ പ്രമേയമോ ഉപയോഗിക്കാനാകില്ലെന്ന വിധി കോടതി ശരിവച്ചു.
Also Read: വിജയ് സേതുപതിയുടെ മകള്‍ക്കെതിരെ ബലാത്സംഗ ഭീഷണി; നടന്‍ പരാതി നല്‍കി
പകര്‍പ്പാവകാശം ലംഘിച്ചെന്ന് ചൂണ്ടിക്കാണിച്ചായിരുന്നു കടുവയുടെ തിരക്കഥാകൃത്ത് ജിനു എബ്രഹാം കോടതിയെ സമീപ്പിച്ചത്. സുരേഷ് ഗോപിയുടെ പിറന്നാള്‍ ദിനത്തിലായിരുന്നു അദ്ദേഹത്തിന്റെ 250-ാം ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത് വന്നത്. കടുവാക്കുന്നേല്‍ കുറുവ്വചന്‍ ആയി സുരേഷ് ഗോപി എത്തുന്നുവെന്ന വാര്‍ത്ത പുറത്ത് വന്നതോടെയാണ് ജിനു കോടതിയെ സമീപിച്ചത്.
തുടര്‍ന്നായിരുന്നു ജില്ലാ കോടതി പൃഥ്വിരാജ് ചിത്രത്തിന് അനുകൂലമായി വിധി പുറപ്പെടുവിക്കുന്നത്. കഥാപാത്രത്തിന്റെ പേരും തിരക്കഥയും ഉപയോഗിക്കുന്നത് പകര്‍പ്പവകാശ ലംഘനമാണെന്നായിരുന്നു കോടതിയുടെ വിധി. ഇതാണ് ഹെെക്കോടതി ശരിവ്വച്ചിരിക്കുന്നത്. ആറ് മാസമായി നീണ്ടു നിന്ന നിയമപോരാട്ടമാണ് അവസാനിച്ചിരിക്കുന്നത്.
Also Read: നടന്‍ പൃഥ്വിരാജിന് കൊവിഡ്
ഷാജി കെെലാസാണ് പൃഥ്വിരാജ് ചിത്രം സംവിധാനം ചെയ്യുന്നത്. സംവിധായകനും തിരക്കഥാകൃത്തുമായ ജിനു ഏബ്രഹാം ആണ് കടുവയുടെ രചന. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ, പൃഥ്വിരാജ് എന്നിവർ ചേർന്നാണ് കടുവ നിർമിക്കുന്നത്. മാത്യുസ് തോമസാണ് സുരേഷ് ഗോപി ചിത്രത്തിന്റെ സംവിധായകൻ. ഷിബിൻ ഫ്രാൻസിസിന്റേതാണ് തിരക്കഥ