'ജോക്കര്‍' സിനിമയും ഓൺലൈനിൽ ചോര്‍ത്തി തമിഴ് റോക്കേഴ്സ്

ഏറെ നിരൂപക പ്രശംസ പിടിച്ചുപറ്റിയ ഹോളിവുഡ് ചിത്രം ‘ജോക്കര്‍’ ഓണ്‍ലൈനിൽ ചോര്‍ത്തി തമിഴ്റോക്കേര്‍സ്. ടോഡ് ഫിലിപ്സ് സംവിധാനം ചെയ്ത ചിത്രം പ്രധാനവേഷത്തിലെത്തിയ വോക്വീന്‍ ഫീനിക്സിന്‍റെ അഭിനയം കൊണ്ട് ഏറെ ശ്രദ്ധ പിടിച്ചുപറ്റിയ ചിത്രമാണ്. ഗാന്ധി ജയന്തി ദിനമായ ഒക്ടോബര്‍ രണ്ടാം തീയതിയാണ് ‘ജോക്കര്‍’ ഇന്ത്യയില്‍ പ്രദര്‍ശനത്തിന് എത്തിയത്. എന്നാൽ മറ്റിടങ്ങളിൽ ചിതം റിലീസ് ചെയ്തത് ഒക്ടോബർ നാലിനായിരുന്നു.

Also Read: 'ഫിലിം ഓഫ് ദി ഇയർ'; 'ജോക്കര്‍'

ധനുഷ്-മഞ്ജു വാര്യര്‍ പ്രധാന കഥാപാത്രങ്ങളായി വെട്രിമാരന്‍ സംവിധാനം ചെയ്ത ‘അസുരന്‍’ എന്ന ചിത്രവും തെലുങ്ക്‌ ചിത്രം ‘സെയ്റാ നരസിംഹ റെഡ്ഡിയും, തമിഴ്റോക്കേര്‍സ് ഓൺലൈനിൽ ചോര്‍ത്തിയിട്ടുണ്ട്. ഹൃതിക് റോഷൻ-ടൈഗർ കൂട്ടുകെട്ടിലൊരുങ്ങിയ വാർ എന്ന ചിത്രവും ഇവർ ചോര്‍ത്തിയിട്ടുണ്ട്.

Also Read: ഹോളിവുഡില്‍ നിന്ന് മറ്റൊരു 'ജോക്കര്‍'

തമിഴ്റോക്കേഴ്സിനെതിരെ നടപടി എടുക്കണമെന്ന് ആവശ്യപ്പെട്ട് സിനിമാ നിര്‍മ്മാതാക്കളും മറ്റു സിനിമാ സംഘടനകളും രംഗത്തുവന്നു തുടങ്ങിയിട്ട് നിരവധി നാളുകളായി. എന്നാൽ ഇപ്പോഴും ലോകത്തിന്‍റെ വിവിധ ഭാഗങ്ങളിൽ നിന്നും തമിഴ് റോക്കേഴ്സ് വഴി പുത്തൻ ചിത്രങ്ങള്‍ ചോര്‍ത്തുന്ന പതിവ് തുടരുകയാണ്.

Also Read: 'ജോക്കറാ'യി ജോക്വിൻ ഫീനിക്‌സ്; ടീസര്‍ ട്രെയിലര്‍അതിൽ ഏറ്റവും അവസാനത്തെ ഇരയായിരിക്കുന്ന ചിത്രമാണ് ജോക്കര്‍. മുമ്പ് ഏറെ ഹൈപ്പുമായെത്തിയ നിരവധി ചിത്രങ്ങള്‍ ഇത്തരത്തിൽ ഓൺലൈനിലൂടെ ഇവർ ലീക്ക് ചെയ്തിട്ടുണ്ട്. പക്ഷേ ഇപ്പോഴും ഇവർക്കെതിരെ നടപടിയെടുക്കൽ നീളുകയാണ്.