പ്രതീക്ഷയുടെ കാത്തിരിപ്പുകള്‍; ശ്രദ്ധ നേടി 'ഹോപ്'

കൊവിഡ് ഭിതിയിലാണ് ലോകമെങ്ങും. എല്ലാം കടന്നുപോകും എല്ലാം വീണ്ടും പഴയതു പോലെയാകും എന്ന പ്രതീക്ഷയാണ് ഏവരിലുമുള്ളത്. കാത്തിരിപ്പിന്‍റേയും പ്രതീക്ഷയുടേയും നാളുകളിലൂടെയാണ് ഈ സമയത്ത് പലരും കടന്ന് പോകുന്നത്. ഈ അവസരത്തിൽ തങ്ങളുടെ കടിഞ്ഞൂൽ കൺമണിയെ കാത്തിരിക്കുന്ന ഒരു പ്രവാസി യുവാവിന്‍റേയും ഭാര്യയുടെയും ജീവിത കഥ പറയുന്ന മ്യൂസിക്കല്‍ ഷോർട്ട് ഫിലിം 'ഹോപ്' ഏറെ ശ്രദ്ധ നേടിയിരിക്കുകയാണ്.

Also Read: റിലീസിന് മുന്നേ 'കിലോമീറ്റേഴ്സ് ആൻഡ് കിലോമീറ്റേഴ്സ്' എല്ലാ പാട്ടുകളും പുറത്ത്!

സൗഹൃദ കൂട്ടായ്മയില്‍ പിറന്ന ഈ ഹ്രസ്വചിത്രം ലോക്ക്ഡൗൺ മാനദണ്ഡങ്ങൾ പൂര്‍ണമായും പാലിച്ചാണ് ചിത്രീകരിച്ചിരിക്കുന്നതെന്ന് അണിയറപ്രവർത്തകര്‍ വ്യക്തമാക്കിയിട്ടുണ്ട്. ഒരു കുടുംബത്തിൽ തന്നെയുള്ളവരാണ് ഇതിൽ അഭിനയിച്ചിരിക്കുന്നതെന്നതാണ് പ്രത്യേകത. വിഷ്ണു അശോകാണ് സംവിധാനം ചെയ്തിരിക്കുന്നത്. ലോയ്ഡ് സാഗര്‍ ആണ് ഗാനരചനയും സംഗീതവും നിര്‍വഹിച്ചിരിക്കുന്നത്.

Also Read: മലയാളികളുടെ മനസ്സിൽ 'നെയ്യപ്പം ചുട്ടവർ'! ഇവരെ ഓര്‍മ്മയുണ്ടോ?

പശ്ചാത്തലസംഗീതവും മ്യൂസിക് പ്രൊഡക്ഷനും ഒരുക്കിയിരിക്കുന്നത് അരുള്‍ പ്രകാശ് ആണ്. സൗമ്യ റാവു ആണ് ഗാനം ആലപിച്ചിരിക്കുന്നത്. മനോഷ് മോഹന്‍റേതാണ് തിരക്കഥ. ഛായാഗ്രഹണം നിര്‍വ്വഹിച്ചിരിക്കുന്നത് രഞ്ജിത് മുരളിയും എഡിറ്റിംഗ് ബോബി രാജനുമാണ്. അസോസിയേറ്റ് ഡയറക്ടര്‍ തോമസ് ലോറന്‍സ് , അസിറ്റന്‍റ് ഡയറക്ടര്‍മാര്‍ ശരവിന്ദ് ജി ബാലന്‍, അഭിലാഷ് ആര്‍ വി എന്നിവരും സ്റ്റില്‍സ് പ്രമിലുമാണ് നിര്‍വ്വഹിച്ചിരിക്കുന്നത്.

Also Watch :