നസീറിനോട് ഷീല ചോദിക്കാറുള്ള ചോദ്യം??

മലയാളത്തിലെ എക്കാലത്തെയും പ്രിയ നായിക ഷീല പല മുൻനിര നായകന്മാരായ മധു,സത്യൻ,പ്രേം നസീർ തുടങ്ങിയവരോടൊപ്പം അഭിനയിച്ചിട്ടുണ്ട്. നിത്യ ഹരിത നായികൻ പ്രേം നസീറിനോട് ഷീല രസകരമായ ഒരു ചോദ്യം ചോദിക്കുമായിരുന്നു.

"അന്നൊക്കെ സിനിമ സെറ്റുകൾ ഒരു കെട്ടിടത്തിൽ പല ഭാഗങ്ങളിലായിരുന്നു. ഒരു ലൊക്കേഷനിൽ നിന്ന് മറ്റ് ലൊക്കേഷനിലേക്ക് ഓടി നടക്കുന്നതിന്റെ ഇടക്ക് പ്രേം നസീറിനെ കണ്ടാൽ ചോദിക്കും ഇന്ന് എന്റെ മകൻ, സഹോദരൻ, ഭർത്താവ്, അച്ഛൻ ഇതിലാരായാണ് അഭിനയിക്കുന്നതെന്ന്" ഷീല ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിലാണ് ഇങ്ങനെ പറഞ്ഞത്.

അനീഷ് അൻവൻ സംവിധാനം ചെയ്യുന്ന 'ബഷീറിന്റെ പ്രേമലേഖന'മാണ് റിലീസിന് തയാറെടുക്കുന്ന ഷീലയുടെ അടുത്ത ചിത്രം.