IFFk അരങ്ങുണർന്നു: ലോകത്തിലേക്കുള്ള ജാലകമാണ് സിനിമയെന്ന് മുഖ്യമന്ത്രി

തിരുവനന്തപുരം: 21ആമത് രാജ്യാന്തര ചലച്ചിത്ര മേളയ്ക്ക് തിരിതെളിഞ്ഞു. നിശാഗന്ധി ഓഡിറ്റോറിയത്തില്‍ മുഖ്യമന്ത്രി പിണറായി വിജയനാണ് ദിപം തെളിയിച്ച് മേള ഉദ്ഘാടനം ചെയ്തത്. സാംസ്‌കാരിക മന്ത്രി എകെ ബാലനാണ് അദ്ധ്യക്ഷത വഹിക്കുന്നത്. ധനമന്ത്രി ഡോ. തോമസ് ഐസക് ഫെസ്റ്റിവല്‍ ബുക്ക് മേയര്‍ വികെ പ്രശാന്തിന് നല്‍കി പ്രകാശനം ചെയ്തു. എംപിമാരായ ഡോ. ശശിതരൂര്‍, സുരേഷ് ഗോപി, കെ മുരളീധരന്‍ എന്നിവര്‍ പങ്കെടുത്തു. അമോല്‍ പലേക്കറാണ് വിശിഷ്ടാതിഥി

അന്താരാഷ്ട്ര ചലച്ചിത്രേമളയില്‍ പങ്കെടുക്കാന്‍ കഴിഞ്ഞതില്‍ അതിയായ സന്തോഷമുണ്ടെന്ന് മുഖ്യമന്ത്രി പറഞ്ഞു, മലയാളം അറിയാത്തവരും സദസില്‍ ഉണ്ടെന്ന് പറഞ്ഞ് ഇംഗ്ലീഷിലാണ് മുഖ്യമനത്രി പ്രംസംഗിച്ചത്. കരഘോഷത്തോടെയാണ് മുഖ്യമന്ത്രിയുടെ വാക്കുകളെ സദസ് സ്വീകരിച്ചത്. ലോകത്തിലെ ഏറ്റവും പ്രബുദ്ധരായ പ്രേക്ഷകരെയാണ് നിങ്ങള്‍ക്ക് ലഭിക്കുന്നതെന്ന് വിദേശ സംവിധായകരോടായി അദ്ദേഹം പറഞ്ഞു. 62 രാജ്യങ്ങളില്‍നിന്ന് 185 ചിത്രങ്ങളാണ് വിവിധ വിഭാഗങ്ങളിലായി പ്രദര്‍ശിപ്പിക്കുന്നത്. സാംസ്കാരിക പരിപാടികളും വേദിയിൽ അരങ്ങേറി. രാജ്യന്തര ചലച്ചിത്ര മേളയെക്കുറിച്ച് മുഖ്യമന്ത്രിയുടെ ഫേസ്ബുക്ക് പോസ്റ്റ്: