IFFK; 'സുവർണചകോരം' പലസ്തീൻ ചിത്രം 'വാജിബി'ന്

തിരുവനന്തപുരം: രാജ്യാന്തര ചലച്ചിത്രമേളയിൽ മികച്ച ചിത്രത്തിനുള്ള സുവർണചകോരം പലസ്തീൻ ചിത്രം വാജിബിന്. പലസ്തീൻ സംവിധായക ആൻമരിയ വാസിർ, മന്ത്രി തോമസ് ഐസക്കിൽ നിന്ന് പുരസ്കാരം ഏറ്റുവാങ്ങി.

പ്രഖ്യാപിച്ച അവാർഡുകൾ

ഫിപ്രസി പുരസ്കാരം: ന്യൂട്ടൻ
ഫിപ്രസി പുരസ്കാരം (മലയാളം): ഏദൻ (സംവിധാനം– സഞ്ജു സുരേന്ദ്രൻ)
നെറ്റ്പാക് അവാർഡ്: ന്യൂട്ടൻ
നെറ്റ്പാക് അവാർഡ് (മലയാളം): തൊണ്ടിമുതലും ദൃക്സാക്ഷിയും (സംവിധാനം: ദിലീഷ് പോത്തൻ)
പ്രത്യേക ജൂറി പുരസ്കാരം: കാൻഡലേറിയ (സംവിധാനം– ജോണി ഹെൻട്രിക്സ്)
നവാഗത സംവിധായകനുള്ള രജതചകോരം: സഞ്ജു സുരേന്ദ്രൻ (ചിത്രം: ഏദൻ)
മികച്ച സംവിധായകയ്ക്കുള്ള രജതചകോരം: അനുജ

മേളയില്‍ 65 രാജ്യങ്ങളില്‍നിന്നുള്ള 190ല്‍ പരം ചിത്രങ്ങളാണു പ്രദര്‍ശിപ്പിച്ചത്. ലോക സിനിമാ വിഭാഗത്തിലെ 81 ചിത്രങ്ങളും മത്സര വിഭാഗത്തില്‍ രണ്ടു മലയാള ചിത്രങ്ങളുള്‍പ്പെടെ 14 ചിത്രങ്ങളുമുണ്ടായിരുന്നു. വൈകിട്ട് നിശാഗന്ധിയില്‍ നടക്കുന്ന സമാപന ചടങ്ങ് മന്ത്രി തോമസ് ഐസക് ഉദ്ഘാടനം ചെയ്തു. മന്ത്രി എ.കെ.ബാലന്‍ അധ്യക്ഷത വഹിച്ചു.