ആക്ഷനും ഗ്ലാമറും സമാസമം; ‘എന്‍റര്‍ ദി ഗേള്‍ ഡ്രാഗണ്‍’ ടീസര്‍
ആക്ഷനും ഗ്ലാമറും റൊമാൻസും പകയും പ്രതികാരവുമൊക്കെ ഉൾക്കൊള്ളിച്ചുകൊണ്ടാണ് ചിത്രം ഒരുക്കിയിരിക്കുന്നതെന്ന സൂചനയാണ് ടീസർ നൽകുന്നത്
Samayam Malayalam 27 Nov 2019, 11:01 pm
ആക്ഷനും ഗ്ലാമറിനും പ്രധാന്യം നൽകി വിവാദ സംവിധായകൻ രാം ഗോപാൽ വർമ്മ ഒരുക്കുന്ന പുതിയ ചിത്രമായ എന്‍റര്‍ ദി ഗേള്‍ ഡ്രാഗൺ ടീസര്‍ പുറത്തിറങ്ങി. പുതുമുഖം പൂജ ഫലേക്കര്‍ നായികയാകുന്ന ചിത്രത്തിൽ തീപാറുന്ന സംഘട്ടനരംഗങ്ങളുമുണ്ടെന്നാണ് ടീസർ തരുന്ന സൂചന. അതോടൊപ്പം ഗ്ലാമര്‍ പ്രദര്‍ശനവും.
ലോകം കണ്ട ഏറ്റവും മികച്ച മാര്‍ഷ്യൽ ആര്‍ട്സ് വിദഗ്ധനായറിയപ്പെടുന്ന ബ്രൂസ് ലിയെ പ്രണയിക്കുന്ന പെണ്‍കുട്ടിയുടെ ജീവിതമാണ് ചിത്രത്തില്‍ പറയുന്നത്. മാര്‍ഷ്യല്‍ ആര്‍ട്‌സിന് ഏറെ പ്രാധാന്യം നല്‍കി ഒരുക്കുന്ന ചിത്രം ത്രില്ലര്‍ വിഭാഗത്തിലാണ് ഉള്‍പ്പെടുത്തിയിരിക്കുന്നത്.
ഇൻഡോ-ചൈനീസ് കോ-പ്രൊഡക്ഷനായാണ് ചിത്രം ഒരുങ്ങുന്നത്. ഇന്ത്യയിലെ ആദ്യത്തെ മാര്‍ഷ്യൽ ആര്‍ട്സ് ചിത്രമാണിതെന്നാണ് അണിയറപ്രവര്‍ത്തകര്‍ ആവകാശപ്പെടുന്നത്. ജിങ് ലിയു, നരേഷ് ടി, ശ്രീധര്‍ ടി എന്നിവർ ചേര്‍ന്നാണ് ചിത്രത്തിന്‍റെ നിര്‍മ്മാണം. 2020-ലാണ് സിനിമയുടെ റിലീസ്. രാം ഗോപാൽ വർമ്മ സംവിധാനം ചെയ്യുന്ന 59-ാം ചിത്രം കൂടിയാണിത്.
ലോകം കണ്ട ഏറ്റവും മികച്ച മാര്‍ഷ്യൽ ആര്‍ട്സ് വിദഗ്ധനായറിയപ്പെടുന്ന ബ്രൂസ് ലിയെ പ്രണയിക്കുന്ന പെണ്‍കുട്ടിയുടെ ജീവിതമാണ് ചിത്രത്തില്‍ പറയുന്നത്. മാര്‍ഷ്യല്‍ ആര്‍ട്‌സിന് ഏറെ പ്രാധാന്യം നല്‍കി ഒരുക്കുന്ന ചിത്രം ത്രില്ലര്‍ വിഭാഗത്തിലാണ് ഉള്‍പ്പെടുത്തിയിരിക്കുന്നത്.
ഇൻഡോ-ചൈനീസ് കോ-പ്രൊഡക്ഷനായാണ് ചിത്രം ഒരുങ്ങുന്നത്. ഇന്ത്യയിലെ ആദ്യത്തെ മാര്‍ഷ്യൽ ആര്‍ട്സ് ചിത്രമാണിതെന്നാണ് അണിയറപ്രവര്‍ത്തകര്‍ ആവകാശപ്പെടുന്നത്. ജിങ് ലിയു, നരേഷ് ടി, ശ്രീധര്‍ ടി എന്നിവർ ചേര്‍ന്നാണ് ചിത്രത്തിന്‍റെ നിര്‍മ്മാണം. 2020-ലാണ് സിനിമയുടെ റിലീസ്. രാം ഗോപാൽ വർമ്മ സംവിധാനം ചെയ്യുന്ന 59-ാം ചിത്രം കൂടിയാണിത്.
- സിനിമയ്ക്കായി ജോലി ഉപേക്ഷിച്ചു: Janaki Krishnan (Video)