'താക്കോലു'മായി ഇന്ദ്രജിത്തും മുരളി ഗോപിയുമെത്തുന്നു

പ്രേക്ഷക നിരൂപക ശ്രദ്ധ ഒരുപോലെ ആകര്‍ഷിച്ച ചിത്രം ടിയാന് ശേഷം പുതിയ ചിത്രവുമായി ഇന്ദ്രജിത്തും മുരളി ഗോപിയും എത്തുന്നു. താക്കോൽ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് നവാഗതനായ കിരണ്‍ പ്രഭാകര്‍ ആണ്. ഇന്ദ്രജിത്തും മുരളി ഗോപിയുമാണ് പ്രധാന കഥാപാത്രങ്ങളെ അവതരിപ്പിക്കുന്നത്.

ഹാസ്യവം സസ്പെൻസും കലര്‍ത്തിയാണ് ചിത്രം ഒരുക്കുന്നത്. ചിത്രത്തിൽ സംഗീതത്തിനും ശബ്ദത്തിനും വളരെയേറെ പ്രധാന്യമുള്ളതിനാൽ തന്നെ ചിത്രത്തിൽ റസൂല്‍പൂക്കുട്ടിയും ഭാഗമാകുന്നുണ്ടെന്നാണ് വിവരം. ചിത്രത്തിനായി സംഗീത സംവിധാനം നിര്‍വഹിക്കുന്നത് എം ജയചന്ദ്രനാണ്. ഷാജി കൈലാസാണ് ചിത്രം നിര്‍മിക്കുന്നത്. അടുത്ത മാസത്തോടെ ചിത്രീകരണം ആരംഭിക്കും.