IFFK: സീറ്റുകളുടെ എണ്ണത്തിന് അനുസരിച്ച് മാത്രം പ്രവേശനം

തിരുവനന്തപുരം: 22-ാമത് രാജ്യാന്തര ചലച്ചിത്രമേളയ്ക്ക് തിരുവനന്തപുരം ഒരുങ്ങികഴിഞ്ഞു. തിയേറ്ററുകളുടെ സീറ്റുകളിലെ എണ്ണമനുസരിച്ച് മാത്രമാണ് ഇക്കുറി പ്രേക്ഷകര്‍ക്ക് പ്രവേശനം. മേള നടക്കുന്ന പതിനഞ്ച് തിയേറ്ററുകളിലായി 8048 സീറ്റുകളാണുള്ളത്. 7000 പാസുകളാണ് പൊതുവിഭാഗത്തില്‍ വിതരണം ചെയ്യുന്നത്.

വിദ്യാര്‍ത്ഥികള്‍, സിനിമ-ടെലിവിഷന്‍ പ്രൊഫഷണലുകള്‍ എന്നിവര്‍ക്ക് 1000 പാസുകള്‍ വീതവും, ഫിലിം സൊസൈറ്റി അംഗങ്ങള്‍ക്കും മാധ്യമപ്രവര്‍ത്തകര്‍ക്കും 500 വീതവും നല്‍കും. മുന്‍കൂട്ടി ബുക്ക് ചെയ്യുന്നവര്‍ക്ക് മുന്‍ഗണന അനുസരിച്ച് തിയേറ്ററുകളില്‍ പ്രവേശിക്കാം. 60 ശതമാനം സീറ്റുകളിലാണ് റിസര്‍വേഷന്‍ അനുവദിക്കുക. നിലത്തിരുന്നും നിന്നും ചിത്രം കാണാന്‍ പ്രേക്ഷകര്‍ക്ക് അനുമതിയുണ്ടാകില്ല.

ചലച്ചിത്രമേളയില്‍ ഭിന്നശേഷിക്കാര്‍ക്കായി കൂടുതല്‍ സൗകര്യമൊരുക്കും.തിയേറ്ററുകളില്‍ പ്രവേശനത്തിന് പ്രത്യേക റാമ്പുകള്‍ ഒരുക്കിയിട്ടുണ്ട്. 70 വയസ്സ് കഴിഞ്ഞവര്‍ക്കും തിയേറ്ററുകളില്‍ ക്യൂ നില്‍ക്കാതെ പ്രവേശനം അനുവദിക്കും