'ആര്‍ആര്‍ആര്‍' റിലീസ് തിയ്യതി അബദ്ധത്തില്‍ പുറത്ത് വിട്ട് ഐറിഷ് താരം; ആഘോഷമാക്കി സോഷ്യല്‍ മീഡിയ

സിനിമാപ്രേമികള്‍ ഏറെ പ്രതീക്ഷയോടെ കാത്തിരിക്കുന്ന ബിഗ് ബജറ്റ് ചിത്രമാണ് രാജമൗലിയുടെ ആര്‍ആര്‍ആര്‍. രാം ചരണ്‍ തേജ, ജുനിയര്‍ എന്‍ടിആര്‍ എന്നിവര്‍ പ്രധാന വേഷത്തിലെത്തുന്ന ചിത്രത്തില്‍ ബോളിവുഡ് താരങ്ങളായ ആലിയ ഭട്ട്, അജയ് ദേവ്ഗണ്‍ എന്നിവരും പ്രധാന വേഷങ്ങളിലെത്തുന്നുണ്ട്. ചിത്രത്തിന്റെ റിലീസിനായി ആരാധകര്‍ കാത്തിരിക്കെ ചിത്രത്തിലെ ഏറിഷ് താരമായ ആലിസണ്‍ ഡൂഡിയ്ക്ക് പറ്റിയ അബദ്ധമാണ് ഇപ്പോള്‍ സോഷ്യല്‍ മീഡിയയിലെ ചര്‍ച്ചാ വിഷയം.

Also Read: 'ജസ്റ്റിസ് പിള്ള'യേയും 'റാസ്കൽ' എന്ന വിളിയേയും മറക്കാനാവില്ലെന്ന് തിലകന്‍റെ കൊച്ചുമോൻ

ചിത്രത്തിന്റെ പുതിയ പോസ്റ്റര്‍ പങ്കുവച്ചപ്പോഴാണ് ഡൂഡിയ്ക്ക് അബദ്ധം പറ്റിയത്. ഒക്ടോബര്‍ 8ന് ചിത്രം റിലീസ് ചെയ്യുമെന്നായിരുന്നു ഡൂഡി തന്റെ പോസ്റ്റില്‍ കുറിച്ചത്. അബദ്ധം തിരിച്ചറിഞ്ഞ ഡൂഡി പോസ്റ്റ് ഡിലീറ്റ് ചെയ്തെങ്കിലും സോഷ്യല്‍ മീഡിയ പോസ്റ്റ് എടുത്തു. നിരവധി ആരാധകരാണ് റിലീസ് തീയതി ഏറ്റെടുത്ത് ആഘോഷവുമായി എത്തിയിരിക്കന്നത്.

Also Read: വരുൺ ധവാന്‍റെ വിവാഹം ഇന്ന്; ബാച്ച്‍ലർ പാർ‍ട്ടി കഴിഞ്ഞുപോയ നടന്‍റെ കാര്‍ അപകടത്തിൽ പെട്ടതായി റിപ്പോര്‍ട്ട്

ആര്‍ആര്‍ആറിന്റെ റിലീസ് തീയ്യതി രഹസ്യമാക്കി വച്ചിരിക്കുകയായിരുന്നു അണിയറ പ്രവര്‍ത്തകര്‍. ഇതിനിടെയാണ് ആലിസണിന്റെ പോസ്റ്റ് എത്തിയത്. അതേസമയം സിനിമയുടെ ചിത്രീകരണം നടന്നു കൊണ്ടിരിക്കുകയാണ്. ഇതിനിടെ ചിത്രത്തിന്റെ പോസ്റ്ററുകളും ക്യാരക്ടര്‍ ടീസറുകളുമെല്ലാം സോഷ്യല്‍ മീഡിയയില്‍ വെെറലായി മാറിയിരുന്നു.